Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
მოსკოვი ჩრდილოეთ კავკასიელებისთვის უვიზო რეჟიმს ”პროვოკაციას” უწოდებს
სივილ ჯორჯია, თბილისი / 14 ოქტ.'10 / 15:11

რუსეთის საგარეო საქმეთა სამინისტრომ 14 ოქტომბერს განაცხადა, რომ თბილისის გადაწყვეტილება ჩრდილოეთ კავკასიის რესპუბლიკებში მცხოვრები რუსეთის მოქალაქეებისთვის უვიზო რეჟიმის ცალმხრივად დაწესების თაობაზე "პროვოკაცია“ და რეგიონის "დესტაბილიზაციის" მცდელობაა.

პრეზიდენტ სააკაშვილის განკარგულება, რომლის თანახმადაც ჩეჩნეთის, ინგუშეთის, ჩრდილოეთ ოსეთის, დაღესტნის, ყაბარდო-ბალყარეთის, ყარაჩაი-ჩერქეზეთისა და ადიღეს რესპუბლიკებში ჩაწერილი რუსეთის მოქალაქეებისთვის 90 დღიანი უვიზო რეჟიმი დაწესდა საქართველო საზღვრის გადაკვეთისას, 13 ოქტომბრიდან ამოქმედდა.

“საქართველოს ხელისუფლების გადაწყვეტილება ჩრდილოეთ კავკასიის რიგ რესპუბლიკებში მცხოვრები რუსეთის მოქალაქეებისთვის უვიზო რეჟიმის ცალმხრივად შემოღების თაობაზე არ შეიძლება შეფასდეს სხვაგვარად თუ არა პროვოკაცია,“– ნათქვამია რუსეთის საგარეო საქმეთა სამინისტროს მიერ 14 ოქტომბერს გამოქვეყნებულ განცხადებაში.

“თავისთავად მცდელობა იმისა, რომ დაყონ რუსეთის მოსახლეობა სხვადასხვა კატეგორიებად, ეწინააღმდეგება ცივილიზებული საერთაშორისო ურთიერთობების ნორმებს. აშკარად ჩანს კავშირიც თბილისის დაჟინებულ მცდელობასთან სიტუაციის დესტაბილიზება მოახდინოს ჩრდილოეთ კავკასიაში, ყურადღება გადაიტანოს საქართველოს ხელმძღვანელობის დესტრუქციული პოლიტიკიდან სამხრეთ ოსეთის და აფხაზეთის მიმართ“.

“რუსეთი თანმიმდევრულად გამოდის კავკასიაში კეთილმეზობლური ურთიერთობების მხარდასაჭერად, აქ ნორმალური, წყნარი ცხოვრების უზრუნველსაყოფად, რომლის ხელის შეშლასაც შეეცადა მ.სააკაშვილი 2008 წლის აგვისტოში ომის გაჩაღებით. მანვე გაწყვიტა საქართველოს დიპლომატიური ურთიერთობები რუსეთის ფედერაციასთან, რითაც ასევე დაბრკოლება შეუქმნა ჩვენს მოქალაქეებს შორის ურთიერთობებს. ზუსტად ქართული მხარე აჭიანურებდა „ყაზბეგი–ზემო ლარსის“ სასაზღვრო–გამშვები პუნქტის გახსნის საკითხის გადაწყვეტას. ახლა კი, როცა ის ამოქმედდა, საქართველოს ხელმძღვანელობამ გადაწყვიტა მოეძებნა მეთოდი ურთიერთობის ამ არხის გამოსაყენებლად თავისი არაკეთილსინდისიერი მიზნებისთვის,“– განაცხადა რუსეთის საგარეო უწყებამ.

თბილისის თქმით, სავიზო რეჟიმის გამარტივება ერთიანი კავკასიის“ პოლიტიკის ნაწილია, რომლის პრიორიტეტებიც პრეზიდენტმა სააკაშვილმა 23 სექტემბერს გაეროს გენერალური ასამბლეის სხდომაზე გაახმოვანა. ოფიციალურმა პირებმა ასევე განაცხადეს, რომ ეს ნაბიჯი ასევე ჰუმანიტარულ მიზნებს ემსახურება და გაუადვილებს მარტიდან გახსნილი ყაზბეგი–ზემო ლარსის სასაზღვრო გამშვები პუნქტით საქართველოში შემოსვლას იმ ჩრდილო კავკასიელებს, რომლებსაც მანამდე ვიზის ასაღებად მოსკოვში უწევდათ ჩასვლა, რადგან სახმელეთო საზღვარზე საქართველოს ვიზები არ გაიცემა. ამ მოქალაქეებს საქართველოს ვიზის აღება საქართველოში აეროპორტებში ან მოსკოვში შვეიცარიის საელჩოში უწევდათ.

"ჩრდილოეთ კავკასიის მაცხოვრებლებს შესაძლებლობა ექნებათ საქართველოში იმოგზაურონ, დაკავდნენ ბიზნესით, მიიღონ განათლება, დაისვენონ და ისარგებლონ ყველა იმ სიკეთით, რომელსაც კორუმპირებული და რეპრესიული ფედერალური რეჟიმის პირობებში მოკლებული არიან სამშობლოში,"– განმარტა საქართველოს შსს–მ 12 ოქტომბერს გავრცელებულ განცხადებაში, "საქართველო გახდება ხიდი, რომელიც ჩრდილოეთ კავკასიის მაცხოვრებლებს ცივილიზებულ სამყაროსთან დააკავშირებს".

“რუსეთს არ აქვს პრობლემები საქართველოსთან, ქართველ ხალხთან. ჩვენ პრობლემა გვაქვს სააკაშვილის რეჟიმთან, რომელიც ვერა და ვერ წყნარდება,“– განაცხადა რუსეთის საგარეო უწყებამ, “თუმცა, გასაგებია, რომ ყველა მისი კრუნჩხვითი მოქმედებები, რომელიც მიმართულია სულ ახალი და ახალი გამაღიზიანებლების ძებნაზე, არ პასუხობს ქართველი ხალხის ინტერესებს, დამატებითი პრობლემების მოტანა შეუძლიათ საქართველოს მოქალაქეებისთვის“.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
44