Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
საარჩევნო რეფორმაზე მოლაპარაკებები იწყება
სივილ ჯორჯია, თბილისი / 9 ნოე.'10 / 17:38

ხელისუფლებისა და ოპოზიციური პარტიების პირველი შეხვედრა საარჩევნო კანონმდებლობისა და გარემოს გაუმჯობესების თაობაზე მოლაპარაკებების დაწყების მიზნით ხვალ პარლამენტში გაიმართება, სადაც შეთანხმდება ფორმატი, რომლის ფარგლებშიც გაგრძელდება შემდგომი პროცესი.

პარლამენტის თავმჯდომარემ, დავით ბაქრაძემ "ყველა მსურველ პოლიტიკურ ძალას“ საპარლამენტო და არასაპარლამენტო ოპოზიციიდან 10 ნოემბერს 15 საათისთვის პარლამენტში მისვლისკენ მოუწოდა.

“პირველ შეხვედრას ვთავაზობ რომ შედგეს პარლამენტში, შემდეგ უკვე ჯგუფი ჩამოყალიბდება რა ფორმატით, რა ფორმით და რა მოდალობებით გააგრძელებს მუშაობას,“– განაცხადა მან საგანგებო ბრიფინგზე 9 ნოემბერს.

მან ასევე განაცხადა, რომ მიესალმება  "ღია და გამჭირვალე“ პროცესში საერთაშორისო  და ადგილობრივი ორგანიზაციების ჩართულობას,  თუმცა "მთავარი მოთამაშეები ამ პროცესში უნდა იყვნენ პოლიტიკური პარტიები“.

“ჩვენ ვიწყებთ ძალიან ხანგრძლივ, რთულ და ფაქიზ პროცესს, რომელმაც საბოლოო ჯამში უნდა მიგვიყვანოს პოლიტიკურ კომპრომისამდე,“– განაცხადა ბაქრაძემ და აქვე დასძინა, რომ მოლაპარაკებების ვადა ბუნებრივად შემოსაზღვრულია, რადგან 2012 წლის არჩევნებამდე უნდა გატარდეს ცვლილებები.

მისი თქმით, ამ პროცესში "მზა წინაპირობებით და დოკუმენტებით ჩართვა არასწორი იქნება“, მაგრამ "ჩვენ ვიქნებით ღია ნებისმიერი წინადადებების განსახილველად“.

ამ განცხადებას წინ უძღოდა დღეს გამართული შეხვედრა რვა პარტიის წარმომადგენლებს შორის, რომლის ფარგლებშიც „თავისუფალი დემოკრატების“ ლიდერმა, ირაკლი ალასანიამ დანარჩენ შვიდ პარტიას გააცნო იმ შეხვედრის დეტალები, რომელიც მან გუშინ მოლაპარაკებების დაწყების საკითხზე დავით ბაქრაძესთან გამართა. ამ საკითხზე ბაქრაძეს 8 ნოემბერს ასევე შეხვდა დეპუტატი ქრისტიან–დემოკრატიული მოძრაობიდან ლევან ვეფხვაძე.

ალასანია მიესალმა ბაქრაძის განცხადებას მოლაპარაკებების კონკრეტული თარიღის გამოცხადების თაობაზე და აღნიშნა, რომ მასში მონაწილეებს ექნებათ იმ რვა პარტიის "პოლიტიკური მანდატი“, რომელთაც სარჩევნო რეფორმაზე  ერთობლივი წინადადებები წარმოადგინეს ოქტომბერში.

პირველ ეტაპზე მოლაპარაკებების მაგიდას არ მიუსხდებიან რვა პარტიათაგან ერთ–ერთი პოლიტიკური ძალის – ეროვნული ფორუმის წარმომადგენლები, რადგან ამ პროცესში უშუალოდ ჩართვას მიზანშეუწონლად მიიჩნევენ მაშინ, როცა მათი პარტიის ერთ–ერთი წევრი, ზაზა ჩაკვეტაძე, რომელიც გასულ თვეში აქციაზე დააკავეს, პატიმრობაში რჩება.

“ვინც იქნება წარმოდგენილი მოლაპარაკებების მაგიდასთან, მათ ექნებათ ეროვნული ფორუმის მანდატი,“– განაცხადა ეროვნული ფორუმის წარმომადგენელმა ირაკლი მელაშვილმა დღევანდელი კონსულტაციების შემდეგ.

ალასანიას განცხადებით, თუ ეროვნული ფორუმი არ იქნება უშუალოდ ჩართული ამ პროცესში, რომელიც მისი თქმით, "კონკრეტული და შედეგიანი“ უნდა იყოს, ეს მოლაპარაკებებს ხელს არ შეუშლის. 

 

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
43