Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ოპოზიცია და ხელისუფლება საარჩევნო სისტემაზე მოლაპარაკებებს იწყებენ
სივილ ჯორჯია, თბილისი / 10 ნოე.'10 / 19:14

მმართველი და ოპოზიციური პარტიების წარმომადგენლების მონაწილეობით საარჩევნო რეფორმის სამუშაო ჯგუფი შეიქმნება და რეგულარულ, ყოველკვირეულ შეხვედრებს მომავალი ოთხშაბათიდან – 17 ნოემბრიდან ცენტრალურ საარჩევნო კომისიაში დაიწყებს.

ოპოზიციის მხრიდან პროცესში ჩაერთვებიან მხოლოდ კვალიფიციური სუბიექტები – ის პარტიები, რომლებმაც წინა ორ არჩევნებზე გარკვეული შედეგი აჩვენეს და ამის საფუძველზე საბიუჯეტო დაფინანსებას იღებენ და ასევე პარლამენტში წარმოდგენილი ოპოზიციური პარტიები.

აღნიშნული გადაწყვეტილება მიღებული იქნა ხელისუფლებასა და არასაპარლამენტო და საპარლამენტო პარტიებს შორის 10 ნოემბერს გამართულ შეხვედრაზე, რომელიც დახურულ კარს მიღმა სამ საათზე მეტ ხანს გრძელდებოდა პარლამენტში.

ამ ეტაპზე არ არის ნათელი, თუ რა წესით მოხდება სამუშაო ჯგუფის მიერ გადაწყვეტილებების მიღება. ოპოზიციური პარტიების თქმით, ეს საკითხი ღიად დარჩა და შემდგომი მსჯელობის საგანია.

ჩვენი საქართველო–თავისუფალი დემოკრატების ლიდერმა ირაკლი ალასანიამ განაცხადა, რომ „გადაწყვეტილების მიღების სხვადასხვა ვარიანტზე“ მოლაპარაკებები ოთხშაბათს განახლდება.

იურიდიულ საკითხთა კომიტეტის თავმჯდომარემ პავლე კუბლაშვილმა მმართველი პარტიიდან შეხვედრის შემდეგ ჟურნალისტებს განუცხადა, რომ „ჯგუფის გადაწყვეტილება მიიღება კონსენსუსით“, თუმცა აქვე დასძინა: "იმაზე, რაზეც კონსენსუსი ვერ შედგება, თუ ხელისუფლების მხრიდან იქნება თანხმობა რომ გაგრძელდეს მუშაობა, როგორ უნდა მიიღონ ეს გადაწყვეტილება და რა პასუხისმგებლობა ექნება ცალკეულ პარტიებს ასეთ შემთხვევაში, ეს უკვე სამომავლო მსჯელობის საგანია“.  

სამუშაო ჯგუფს ტექნიკურ უზრუნველყოფას ცესკო გაუწევს, ხოლო მასში მოდერატორები რიგ–რიგობით იქნებიან მონაწილე პარტიები.

რაც შეეხებათ საერთაშორისო და ადგილობრივი არასამთავრობო ორგანიზაციების ჩართულობას, მათ როლი პარტიების თქმით, ძალიან მნიშვნელოვანია  და შემოიფარგლება პროცესის აქტიური დაკვირვებით; თუმცა ისინი, როგორც ფორმალური შუამავლები მოლაპარაკებებში არ იქნებიან ჩართულები.

პარლამენტში გამართული შეხვედრის მონაწილეები შეთანხმდნენ, რომ მსჯელობა დაიწყება ახალი საარჩევნო კოდექსის მიღებაზე და ამდენად, ყველა თემა იქნება ღია განხილვისათვის.

“ამ პროცესის შედეგად, იმედი მაქვს, რომ უახლოესი თვეების განმავლობაში ჩვენ მივიღებთ თვისობრივად ახალ სარჩევნო კოდექსს, რომელიც განსაზღვრავს თვისობრივად ახალ და გაუმჯობესებულ საარჩევნო გარემოს,“– განაცხადა შეხვედრის შემდეგ გამართულ ბრიფინგზე პარლამენტის თავმჯდომარემ დავით ბაქრაძემ.

“ეს არ იქნება ადვილი პროცესი, ჩვენ ვიმყოფებით ძალიან ფაქიზი  და ხანგრძლივი პოლიტიკური კომპრომისების ძებნის გზის დასაწყისში, მაგრამ იმედი მაქვს, რომ ამ პროცესის საბოლოო შედეგი იქნება ისეთივე კონსტრუქციული, როგორიც გახლდათ დღევანდელი შეხვედრის საბოლოო შედეგი,“– აღნიშნა მან.

10 ნოემბერს პარლამენტში გამართულ შეხვედრაში მმართველი პარტიის მხრიდან მონაწილეობდნენ პარლამენტის თავმჯდომარე დავით ბაქრაძე, უმრავლესობის ლიდერი პეტრე ცისკარიშვილი და პავლე კუბლაშვილი; ასევე საპარლამენტო ოპოზიციის ყველა პარტიის და შემდეგი პარტიების ლიდერები და წარმომადგენლები: ჩვენი საქართველო-თავისუფალი დემოკრატები, რესპუბლიკური პარტია, ახალი მემარჯვენეები, საქართველოს გზა, ხალხის პარტია, მრეწველობა გადაარჩენს საქართველოს.

შეხვედრაში იმ რვა ოპოზიციური პარტიიდან, რომელთაც საარჩევნო გარემოს გაუმჯობსების მიზნით ერთობლივი წინადადებები წარმოადგინეს, უშუალო მონაწილეობა არ მიუღიათ მხოლოდ ეროვნული ფორუმისა და კონსერვატორების წარმომადგენლებს, თუმცა შეხვედრაზე მყოფი პარტნიორი პარტიები მათი მანდატით იყვნენ აღჭურვილი.

“ყველა მონაწილემ გამოიჩინა კონსტრუქციულობა და სურვილი იმისა, რომ ურთიერთკომპრომისების გზით ვიაროთ შეთანხმებების მიღწევისკენ,“– განაცხადა „თავისუფალი დემოკრატების“ ლიდერმა ირაკლი ალასანიამ შეხვედრის შემდეგ.

“მთელი საარჩევნო კოდექსი არის ღია განხილვისთვის და ამაზე შევთანხმდით, რომ თვისობრივად, ძირფესვიანად შეიცვლება მთელი საარჩევნო გარემო ჩვენს ქვეყანაში,“– აღნიშნა მან.

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2024, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
15