Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
დაკავებული ფოტოკორესპონდენტების საქმეს გრიფი 'საიდუმლო' დაედო
სივილ ჯორჯია, თბილისი / 7 ივლ.'11 / 20:10

ჯაშუშობის ბრალდებით დაკავებული ოთხი ფოტოკორესპონდენტის საქმის მასალებს გრიფი "საიდუმლო" დაედო იმ მოტივით, რომ ის ეროვნულ უსაფრთხოებასთან დაკავშირებულ ინფორმაციას შეიცავს, განაცხადეს დაკავებული ფოტოკორესპონდენტების ადვოკატებმა.

ამ იმას ნიშნავს, რომ დაკავებულთა ადვოკატებს არ ექნებათ უფლება პრესასთან საქმის დეტალებზე ისაუბრონ, ხოლო საქმის სასამართლოში გადაცემის შემთხვევაში იგი დახურულ კარს მიღმა განიხილება.

კანონის თანახმად, გრიფით საიდუმლო ინფორმაცია და საქმეები საზოგადოებისთვის დახურული რჩება ხუთი წლის მანძილზე ამ ვადის შემდგომი გაგრძელების შესაძლებლობით; ამგვარი ინფორმაციის გასაჯაროება ხუთ წელზე ადრე შეიძლება, თუ აღარ იარსებებს საიდუმლოს შენახვის ობიექტური გარემოებები; ან პრეზიდენტის გადაწყვეტილებით პარლამენტის ნდობის ჯგუფის წარდგინებით კონკრეტული ინფორმაციისათვის სახელმწიფო საიდუმლოების გრიფის მოხსნის შესახებ.

შინაგან საქმეთა სამინისტროს ინფორმაციით, დაკავებულები არიან: ირაკლი გედენიძე, პრეზიდენტის ადმინისტრაციის პრესსამსახურის ფოტოგრაფი; მისი მეუღლე, გაზეთ "პრაიმტაიმის" ფოტოკორესპონდენტი ნათია გედენიძე; ზურაბ ქურციკიძე, ევროპის ფოტოსააგენტოს  წარმომადგენელი საქართველოში; და  გიორგი აბდალაძე, საქართველოს საგარეო საქმეთა სამინისტროს ფოტოგრაფი.

შსს–მ აღნიშნა მოკლე განცხადებაში, რომელშიც დეტალებზე არ უსაუბრია, რომ "დაკავებულ პირებს ბრალი ედებათ ერთ-ერთი უცხო ქვეყნის სპეცსამსახურის საფარქვეშ მოქმედი ორგანიზაციისთვის, საქართველოს ინტერესების საზიანოდ, მათი სამსახურებრივი მდგომარეობიდან გამომდინარე, სხვადასხვა სახის ინფორმაციის  მიწოდება“.

ქურციკიძის და აბდალაძის ადვოკატებმა თავიანთ კლიენტებთან შეხვედრის შემდეგ ჟურნალისტებს განუცხადეს, რომ ისინი თავს უდანაშაულოდ ცნობენ. ირაკლი გედენიძისა და მისი მეუღლე, ნათიას, ადვოკატმა ”მოდულის” შენობა, სადაც დაკავებულები იმყოფებიან, ისე დატოვა რომ კომენტარი არ გაუკეთებია.

გიორგი აბდალაძის ადვოკატმა, რამაზ ჩინჩალაძემ განაცხადა, რომ მისმა კლიენტმა პროტესტის ნიშნად შიმშილობა დაიწყო. მისი თქმით, აბდალაძე „გააოგნა“ იმან, რომ მას ჯაშუშობაში ედება ბრალი. მისი თქმით აბდალაძისთვის არც არასოდეს ყოფილა ხელმისაწვდომი საიდუმლო ინფორმაცია. 

ადვოკატები აცხადებენ, რომ  მათი კლიენტებისთვის ბრალდებები ჯერ არ წაუყენებიათ.

გიორგი აბდალაძის მეუღლის ინფორმაციით, მას გამომძიებელმა უთხრა, რომ ბრალდებები სისხლის სამართლის კოდექსის 314–ე მუხლის პირველ ნაწილს უკავშირდება, რომელიც ჯაშუშობას უკავშირდება, კერძოდ კი სახელმწიფო საიდუმლო ინფორმაციის შეგროვებას და მისი უცხო ქვეყნისთვის გადაცემას. დამნაშავეებად ცნობის შემთხვევაში, მათ 8–დან 12 წლამდე პატიმრობა ემუქრებათ.

გასული გაღით პოლიციამ ასევე აიყვანა Associated Press-ის ფოტოკორესპონდენტი შახ აივაზოვი, დღეს შუადღისით გამოუშვეს.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
43