Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
საქართველო ვმო–ზე შვეიცარიის წინადადებას დათანხმდა, რუსეთს პასუხისთვის დრო სჭირდება
სივილ ჯორჯია, თბილისი / 27 ოქტ.'11 / 19:04

ქართული მხარის წარმომადგენელმა სერგი კაპანაძემ განაცხადა ხუთშაბათს, რომ თბილისი დათანხმდა შვეიცარიელი შუამავლების მიერ რუსეთის ვაჭრობის მსოფლიო ორგანიზაციაში (ვმო) გაწევრიანების თაობაზე წარმოდგენილ კომპრომისულ წინადადებაზე.

რუსეთის მთავარმა მომლაპარაკებელმა ვმო–ს საკითხებზე, მაქსიმ მედვედკოვმა განაცხადა, რომ მოსკოვს რამდენიმე დღე დასჭირდება, რათა საკუთარი პოზიცია მოამზადოს შვეიცარიის წინადადებაზე. „ჩვენ პასუხის გაცემას მომავალ კვირას შევძლებთ“, – იტყობინება „იტარ–ტასსი“ მედვედკოვის სიტყვებზე დაყრდნობით.

საქართველოს საგარეო საქმეთა მინისტრის მოადგილემ სერგი კაპანაძემ განაცხადა, რომ ქართული მხარე ჟენევაში 25 ოქტომბერს რუსეთთან მოსალაპარაკებლად „ახალი წინადადებით“ ჩავიდა.

„ეს წინადადება ისევ ითვალისწინებს ვაჭრობის საერთაშორისო მონიტორინგს და მონაცემთა გაცვლის ელექტრონულ სისტემას. სხვაობა მხოლოდ საერთაშორისო მონიტორინგის ფორმაშია“, – განუცხადა კაპანაძემ Civil.ge-ს ტელეფონით ჟენევიდან ხუთშაბათს საღამოს. მან არ დააკონკრეტა დეტალები, თუ ზუსტად რა შეიცვალა ქართული მხარის წინადადებაში.

მისი თქმით, შვეიცარიელმა შუამავლებმა „კომპრომისული წინადადება“ 26 ოქტომბერს წარმოადგინეს, რომელზეც საქართველო დათანხმდა.

კაპანაძის განცხადებით, ეს კომპრომისული წინადადება კვლავ გულისხმობს ორ მთავარ კომპონენტს, რომლებიც საქართველოს მნიშვნელოვნად მიაჩნია სადავო საზღვრებზე გამჭირვალე ვაჭრობის უზრუნველყოფისთვის – ეს არის საერთაშორისო მონიტორინგი და მონაცემთა ელექტრონული გაცვლა.

მისი თქმით, წინადადების თანახმად, საერთაშორისო დამკვირვებლები „სავაჭრო დერეფნების თავში და ბოლოში განთავსდებიან და მონიტორინგს გაუწევენ რა შედის და რა გამოდის ამ დერეფნებში.” ეს სავაჭრო დერეფნები თავიანთი გეოგრაფიული კოორდინატების მიხედვით განისაზღვრება და არა სახელებით, რათა შენარჩუნდეს სტატუსის მიმართ ნეიტრალური მიდგომა. ამ ეტაპზე მან უარი თქვა „სავაჭრო დერეფნების“ ზუსტ ადგილმდებარეობაზე დეტალები გაემჟღავნებინა.

კაპანაძემ იმედი გამოთქვა, რომ რუსეთი დათანხმდება ამ წინადადებას, რაც მის ვმო–ში გაწევრიანებას უზრუნველყოფს.

რუსეთის საგარეო საქმეთა მინისტრი სერგეი ლავროვი 27 ოქტომბერს ტელეფონით შვეიცარიის პრეზიდენტს, საგარეო საქმეთა მინისტრს მიშელინ კალმი–რეის ესაუბრა, სადაც საქართველოსთან ვმო–ზე  მოლაპარაკებების საკითხი განიხილა, ნათქვამია რუსეთის საგარეო საქმეთა სამინისტროს მოკლე პრეს–რელიზში.

ასევე 27 ოქტომბერს რუსეთის ვმო–ში გაწევრიანების სამუშაო ჯგუფის თავმჯდომარემ სტეფან იოჰანესონმა განაცხადა, რომ სამუშაო ჯგუფი თავის დასკვნით ოფიციალურ სხდომას 10–11 ნოემბერს გამართავს, რათა დაასრულოს ეს პროცესი.

ვმო–ს ახალ წევრთან დაკავშირებული მოლაპარაკებები სამუშაო ჯგუფის ფარგლებში იმართება. ეს ჯგუფი იმ ქვეყნებს აერთიანებს, რომელთაც კანდიდატ ქვეყანასთან მოუგვარებელი სავაჭრო საკითხები აქვთ.

ელჩმა სტეფან იოჰანესონმა აცნობა სამუშაო ჯგუფის წევრებს, რომ სამუშაო ჯგუფის არაფორმალური შეხვედრა 7–8 ნოემბერს გაიმართება, რათა მოხდეს მომზადება დასკვნითი ფორმალური შეხვედრისთვის, სადაც, სავარაუდოდ, ყველა დარჩენილი უთანხმოება მოგვარდება.

თუმცა, საქართველო აცხადებს, რომ მას შეუძლია დაბლოკოს სამუშაო ჯგუფის ფორმალური შეხვედრა, თუ რუსეთთან შვეიცარიის შუამავლობით მიმდინარე მოლაპარაკებებზე ვერანაირი შეთანხმება ვერ იქნება მიღწეული.

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2022, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
11