Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
მოსკოვი უვიზო რეჟიმზე პირობას აყენებს და დიპლომატიური ურთიერთობების აღდგენას სთავაზობს
სივილ ჯორჯია, თბილისი / 3 მარ.'12 / 12:30

საქართველოს მიერ რუსეთის მოქალაქეებისთვის სავიზო რეჟიმის გაუქმების საპასუხოდ მოსკოვმა 2 მარტს განაცხადა, რომ ის მზად არის საპასუხო ნაბიჯი გადადგას, თუმცა თბილისს ოკუპირებული ტერიტორიების შესახებ კანონის გადახედვისკენ მოუწოდა. 

საგარეო უწყების იმავე განცხადებაში რუსეთმა თბილისს დიპლომატიური ურთიერთობების აღდგენა შესთავაზა, რომელიც საქართველომ 2008 წლის აგვისტოს ომის შემდეგ გაწყვიტა.

„რუსული მხარე ყოველთვის უჭერდა მხარს ჩვენ ხალხებს შორის ჰუმანიტარული კავშირების შენარჩუნებას და გაძლიერებას“, – განაცხადა რუსეთის საგარეო უწყებამ, „ამ კავშირებს 2008 წლის აგვისტოში საქართველოს ხელმძღვანელობის სამხედრო ავანტიურამ და ქართული მხარის მიერ რუსეთთან დიპლომატიური ურთიერთობების შეწყვეტამ ძირი გამოუთხარა“. 

მოსკოვის თქმით, საქართველოს ხელმძღვანელობამ რუსეთის სახით მტრის ხატის შექმნის კურსი აიღო, რომლის დროსაც ადგილი აქვს „ისტორიის გადაწერას, რათა საქმე ისე წარმოაჩინონ, თითქოს საქართველო საუკუნეების მანძილზე ‘რუსეთის ოკუპაციის’ ქვეშ იმყოფებოდა“.

რუსეთის საგარეო საქმეთა სამინისტრომ განაცხადა, რომ ოკუპირებული ტერიტორიების შესახებ საქართველოს კანონის გამო რუსეთის მოქალაქეების „მნიშვნელოვანი ნაწილი“ საქართველოში ჩასვლისას სისხლის სამართლებრივ დევნას განიცდის. მოსკოვს კანონის ის დებულება ჰქონდა მხედველობაში, რომლის თანახმადაც სეპარატისტულ აფხაზეთსა და სამხრეთ ოსეთში შესვლა იმ ტერიტორიებიდან, რომლებიც თბილისის მიერ არ კონტროლდება, უკანონოა. კანონი ამ წესს მთელ რიგ გამონაკლისებსაც უწესებს. კანონის დარღვევა ისჯება ჯარიმით ან თავისუფლების აღკვეთით ორიდან ოთხ წლამდე.

„ეს ეხება ყველას, ვინც ბოლო წლების მანძილზე ერთხელ მაინც სტუმრობდა აფხაზეთს და სამხრეთ ოსეთს“, ვინაიდან კანონი 2008 წლის ბოლოდან შევიდა ძალაში, განაცხადა რუსეთის საგარეო საქმეთა სამინისტრომ. „სოჭის ნებისმიერი დამსვენებელი, რომელმაც რამდენიმე საათი დაუთმო აფხაზეთის რიწის ტბაზე ექსკურსიას, დანმაშავედ ითვლება ოკუპირებული ტერიტორიების შესახებ საქართველოს ყბადაღებული კანონის თანახმად. მთელი რიგი ჩვენი მოქალაქეები უკვე დაისაჯნენ ამის გამო“.

„მიუხედავად ამისა, ჩვენ კიდევ ერთხელ ვუსვამთ ხაზს, რომ ჩვენ ვიყავით და კვლავ დაინტერესებული ვართ რუსეთის და საქართველოს ხალხებს შორის კავშირების გაძლიერებაში. მზად ვართ საპასუხო უვიზო რეჟიმი შემოვიღოთ საქართველოს მოქალაქეებისთვის. ამისათვის აუცილებელია, რომ ქართულმა მხარემ საიმედო სამართლებრივი პირობები შექმნას, რომელიც საქართველოში ჩასული რუსეთის მოქალაქეების უსაფრთხოებას უზრუნველყოფს“, – ნათქვამია რუსეთის საგარეო უწყების განცხადებაში.

„ასევე ვთავაზობთ დიპლომატიური ურთიერთობების აღდგენას ჩვენს ქვეყნებს შორის“, – ნათქვამია განცხადებაში, „ველით თბილისის რეაგირებას ამ წინადადებებზე“.  

რუსეთის პრეზიდენტმა დიმიტრი მედვედევმა განაცხადა იანვრის ბოლოს, რომ რუსეთი მზად არის საქართველოსთან დიპლომატიური ურთიერთობები აღადგინოს და აღნიშნა, რომ ეს ურთიერთობები მოსკოვს არ გაუწყვეტია.

თბილისმა მაშინ თავისი დიდი ხნის პოზიცია გაიმეორა: „რუსეთთან დიპლომატიური ურთიერთობების აღდგენა მოხდება მხოლოდ მაშინ, როცა დაიხურება უკანონოდ გახსნილი ე.წ. საელჩოები სოხუმსა და  ცხინვალში“, –  განაცხადა პრეზიდენტის პრესსპიკერმა მანანა მანჯგალაძემ 26 იანვარს.

„მათ დიპლომატიური ურთიერთობები სურთ საქართველოსთან იმ დროს, როცა მისი ტერიტორიის 20% აქვთ ოკუპირებული და ფაქტიურად ქვეყნის დამოუკიდებლობის ფაქტს არ სცემენ პატივს“, – განუცხადა საქართველოს ეროვნული უშიშროების საბჭოს მდივანმა გიგა ბოკერიამ New York Times–ს 2 მარტს, „ეს შემაშფოთებელია“.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2022, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
15