Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
„გლობალ TV“–ის სატელიტური ანტენები საქართველოში შემოტანის დროს დაუყადაღეს
სივილ ჯორჯია, თბილისი / 23 ივნ.'12 / 15:30

საქართველოს ტერიტორიაზე დასაწყობებული სატელიტური ანტენების დაყადაღების შემდეგ, ხელისუფლებამ კომპანია „გლობალ TV“–ის ის ანტენებიც დააღადაღა, რომელიც 22 ივნისს მას თურქეთიდან შემოჰქონდა.

„გლობალ TV“–ის განვითარების და მარკეტინგის დირექტორმა ზურაბ ბაზლიძემ განუცხადა Civil.ge-ს, რომ საქართველოში შემოტანისას 11 700 სატელიტური ანტენა დააყადაღეს, რამაც, დაახლოებით, 70 ათასამდე გაზარდა დაყადაღებული ანტენების საერთო რაოდენობა.

მისი თქმით, ხელისუფლებას ახალი ტვირთის დაყადაღების უფლება არ ქონდა, ვინაიდან სასამართლოს განჩინებაში აღნიშნულია, რომ ყადაღას ექვემდებარება მხოლოდ საქართველოს ტერიტორიაზე დასაწყობებული სატელიტური ანტენები.

„გლობალ TV“–ის სატელიტური ანტენების დაღადაღება მას შემდეგ დაიწყო, რაც  პროკურატურამ ამომრჩევლის მოსყიდვის შესაძლო ფაქტთან დაკავშირებით მიმდინარე გამოძიების შესახებ განაცხადა და სასამართლოსგან ამ ქმედების განხორციელებაზე თანხმობა მიიღო.

საქმე ეხება კომპანია „გლობალ TV“–ის მიერ სატელიტური ანტენების დარიგების ფაქტს. ამ კომპანიის თანამფლობელია ბიძინა ივანიშვილის ძმა. „გლობალ TV“–ი რაიონებში კლიენტებს უფასოდ ურიგებდა ანტენებს იმ სქემით, რომ ერთი წლის შემდეგ მათ 4 ლარის გადახდა უნდა დაეწყოთ ყოველთვიურად. კონტროლის პალატამ განაცხადა, რომ „გლობალ TV“–მ ათიათასობით ანტენა შემოიტანა ბიძინა ივანიშვილისგან მიღებული სესხით და ანტენების დარიგების დროს, როგორც ხელისუფლება აცხადებს, კომპანია ფაქტიურად ივანიშვილის კოალიციის სასარგებლოდ ატარებდა კამპანიას.

ამ საქმესთან დაკავშირებით ივანიშვილს ადმინისტრაციული წესით უკვე დაეკისრა მრავალმილიონიანი ჯარიმა. თუმცა ასევე აღიძრა სისხლის სამართლის საქმე შესაძლო მოსყიდვის ფაქტზე, რომელშიც გაურკვეველია, თუ კონკრეტულად ვინ არიან ბრალდებულები. სისხლის სამართლის კოდექსის თანახმად, სამ წლამდე თავისუფლების აღკვეთით ან ჯარიმით ისჯება მოსყიდვაში მონაწილე ორივე მხარე.

ივანიშვილმა 22 ივნისს კიდევ ერთხელ განაცხადა, რომ ამ საქმეში ხელისუფლების ერთადერთი მიზანია შეაჩეროს „გლობალ TV“–ის ანტენების გავრცელება, რადგან რეგიონებში „დამატებითი ინფორმაციის შეტანა არ შედის სააკაშვილის ინტერესებში და გასაგებია, რომ ანტენების გავრცელებასაც ებრძვის“.

ხელისუფლების განცხადებით, „გლობალ  TV“–ისთან დაკავშირებულ გამოძიებას არაფერი აქვს საერთო მედიის შეზღუდვასთან.

„გლობალ TV“ ერთადერთი საკაბელო ოპერატორია, რომელზეც ივანიშვილის მეუღლის ტელეკომპანია მეცხრე არხი მაუწყებლობს. არხი სატელიტზეც გადის.

სახალხო დამცველმა გიორგი ტუღუშმა განაცხადა, რომ ეს საქმე, თუნდაც „არაპირდაპირ“, მაუწყებლობის გავრცელების საკითხს უკავშირდება.

„რამდენად ემსახურებოდა თეფშების დარიგება ამომრჩევლის მოსყიდვას, ამისთვის, რა თქმა უნდა, მე მჭირდება კონკრეტული მტკიცებულებები. რა თქმა უნდა, ტვირთი, ამ შემთხვევაში, არის საგამოძიებო ორგანოების მხარეზე, მათ უნდა წარმოადგინონ რეალურად დამაჯერებელი მტკიცებულებები იმისა, რომ დაყადაღებული ქონება რეალურად შეიძლება გამხდარიყო რაიმე სახით ამომრჩევლის მოსყიდვის საგანი“, – განუცხადა სახალხო დამცველმა ტელეკომპანია „მაესტროს“.

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
12