Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
მედვედევი: არჩევნების შედეგებმა აჩვენა, რომ ქართველ ხალხს ცვლილებები სურს
სივილ ჯორჯია, თბილისი / 2 ოქტ.'12 / 20:37

ქართული ოპოზიციის გამარჯვებამ 1 ოქტომბრის საპარლამენტო არჩევნებში აჩვენა, რომ ამ ქვეყნის მოსახლეობას ცვლილებები სურს, განაცხადა რუსეთის პრემიერ–მინისტრმა დიმიტრი მედვედევმა 2 ოქტომბერს.

„თუ ეს შედეგები რეალური გახდება, პოლიტიკური ლანდშაფი საქართველოში უფრო მრავალფეროვანი გახდება. ეს მხოლოდ მისასალმებელია, ვინაიდან ალბათ ეს იმას ნიშნავს, რომ უფრო კონსტრუქციული და პასუხისმგებლიანი ძალები გამოჩნდებიან პარლამენტში“, – იტყობინება „რია ნოვოსტი“ მედვედევის სიტყვებზე დაყრდნობით.

მანამდე, რუსეთის ფედერაციის საბჭოს სპიკერმა ვალენტინა მატვიენკომ განაცხადა, რომ საპარლამენტო არჩევნების წინასწარმა შედეგებმა რუსეთ–საქართველოს ურთიერთობების გაუმჯობესების იმედები გააჩინა.

„დიდი იმედი გვაქვს, რომ იმ ცვლილებებს, რომლებიც საქართველოში განხორციელდება, დადებითი გავლენა ექნება ჩვენი ურთიერთობების გაუმჯობესებაზე; ჩვენ ამაში ძალიან ვართ დაინტერესებული“, –  იტყობინება „რია ნოვოსტი“ მატვიენკოს სიტყვებზე დაყრდნობით.

2 ოქტომბერს პრესკონფერენციაზე საუბრისას ბიძინა ივანიშვილმა, რომლის კოალიციამ არჩევნების წინასწარი შედეგებით ნაციონალურ მოძრაობას საპარლამენტო არჩევნები მოუგო, განაცხადა, რომ მისი ხელისუფლება „მცდელობას არ დააკლებს დიდ მეზობელთან მეგობრულ ურთიერთობებს მივაღწიოთ“, თუმცა დასძინა, რომ ეს „არ იქნება იოლი“.

„ჩვენ ყველაფერს გავაკეთებთ იმისათვის, რომ რუსეთთან ურთიერთობები დავალაგოთ“, – განუცხადა მან ჟურნალისტებს, „მიუხედავად იმისა, რომ სიტუაციაა ძალიან მძიმე, ურთიერთობებია ჩიხში შესული, მე ვფიქრობ, რომ არსებობს საშუალება უახლოეს დროში კულტურული და სავაჭრო ურთიერთობები მაინც აღვადგინოთ“.

მან ასევე განაცხადა, რომ სწორი დიპლომატიით შესაძლებელია რუსეთის დარწმუნება იმაში, რომ საქართველოს ნატოში გაწევრიანება არ უქმნის მოსკოვს საფრთხეს.

„ჩვენი სწრაფვა იქნება ევროპა და უსაფრთხოების მხრივ ნატო. ეს არის ჩვენი სტრატეგია და ჩვენს სტრატეგიას არ შევიცვლით“, – განაცხადა მან, „ამასთან ერთად, ჩვენ გვაქვს დიდი ვალდებულება და დიდი სურვილი, რომ ჩვენ ჩვენს ყველაზე დიდი მეზობელთან დავალაგოთ ურთიერთობები“.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2020, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
31