Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
თავდაცვის მინისტრის სამი მოადგილე დაინიშნა
სივილ ჯორჯია, თბილისი / 31 ოქტ.'12 / 17:16


მარცხნიდან მარჯვნივ: ლევან დოლიძე, თავდაცვის მინისტრის პირველი მოადგილე; ირაკლი ალასანია, თავდაცვის მინისტრი; მისი მოადგილეები ალექსანდრე ბურჭულაძე და ირაკლი გეგეჭკორი. თავდაცვის სამინისტროს ფოტო

ახალმა თავდაცვის მინისტრმა ირაკლი ალასანიამ თავისი სამი მოადგილე 31 ოქტომბერს წარადგინა და განაცხადა, რომ სხვა მოადგილეების ვაკანტური თანამდებობის დაკომპლექტებაზე კონსულტაციები გრძელდება.

საქართველოს თავდაცვის მინისტრის პირველი მოადგილე ლევან დოლიძე გახდა, რომელიც მანამდე ლევან მიქელაძის სახელობის ფონდის დირექტორად მუშაობდა. იგი ვიქტორ დოლიძის ძმაა. ეს უკანასკნელი კოალიცია „ქართული ოცნების“ დეპუტატია, რომელიც პარლამენტის ევროინტეგრაციის საკითხთა კომიტეტს ხელმძღვანელობს; ვიქტორ დოლიძე ალასანიას მიერ დაფუძნებული პარტიის „ჩვენი საქართველო – თავისუფალი დემოკრატების“ წევრია.

ალასანიას თქმით, ლევან დოლიძე რეფორმებს და საქართველოს შეიარაღებულ ძალებზე სამოქალაქო კონტროლის ამაღლების საკითხებს გაუწევს კოორდინირებას და იმავდროულად, თავდაცვის უწყების საპარლამენტო მდივნის ფუნქციასაც შეასრულებს. 

თავდაცვის მინისტრის მოადგილე ასევე გახდა ალექსანდრე ბურჭულაძე, რომლის ძირითადი მიმართულება თავდაცვის სამინისტროში საფინანსო დისციპლინის და კონტროლის დამყარება იქნება. ბურჭულაძე ბიზნეს–საკონსულტაციო ფირმის Innova–ს დამფუძნებელია, რომელსაც ის 2012 წლის 29 ოქტომბრამდე ფლობდა. 2010–2011 წლებში ბურჭულაძე საქართველოს საზოგადოებრივი მაუწყებლის გენერალური დირექტორის მრჩეველი იყო.

ირაკლი გეგეჭკორი, რომელსაც სახელმწიფო უშიშროების სამსახურში და დაზვერვის სამსახურში მუშაობის გამოცდილება აქვს, თავდაცვის მინისტრის მესამე მოადგილე გახდა. 2006-2007 წლებში ირაკლი გეგეჭკორი აფხაზეთის ავტონომიური რესპუბლიკის მთავრობის თავმჯდომარის მოადგილე იყო.

ირაკლი ალასანიამ განაცხადა 31 ოქტომბერს, რომ პრეზიდენტის ადმინისტრაციასთან მიმდინარეობს მოლაპარაკებები გაერთიანებული შტაბის მეთაურის შეცვლასთან დაკავშირებით.

საპარლამენტო არჩევნების შემდეგ და ახალი მთავრობის მიერ მოვალეობების შესრულების დაწყებამდე პრეზიდენტმა სააკაშვილმა ბრიგადის გენერალი გიორგი კალანდაძე გაერთიანებული შტაბის მეთაურად დანიშნა, რომელმაც ამ პოსტზე დევი ჭანკოტაძე ჩაანაცვლა.

ალასანიას თქმით, კონსულტაციები რამდენიმე დღეში დასრულდება და გაერთიანებულ შტაბს ახალი მეთაური ეყოლება.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2019, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
34