Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
საზოგადოებრივი მაუწყებლის სამეურვეო საბჭომ ბარათაშვილი თანამდებობიდან მეორედ გადააყენა
სივილ ჯორჯია, თბილისი / 6 სექ.'13 / 16:06

საქართველოს საზოგადოებრივი მაუწყებლის სამეურვეო საბჭომ 6 სექტემბერს მაუწყებლობის გენერალური დირექტორი გიორგი ბარათაშვილი ბოლო ექვსი თვის მანძილზე მეორედ გადააყენა დაკავებული თანამდებობიდან.

პირველად სამეურვეო საბჭომ ბარათაშვილი თანამდებობიდან მარტის დასაწყისში გაათავისუფლა, ორ თვეში მას შემდეგ, რაც იგივე საბჭომ ის საზოგადოებრივი მაუწყებლის ხელმძღვანელად დანიშნა. მაშინ ბარათაშვილმა სასამართლოს გზით დაიბრუნა თანამდებობა.

თუმცა, ცოტა ხნის წინ იგივე საბჭომ კვლავ წამოაყენა ბარათაშვილის გადაყენების საკითხი და იგი იმაში დაადანაშაულა, რომ ვერ მიაწოდა საბჭოს საკმარისი ინფორმაცია გადაცემების აღწერილობასა და ბიუჯეტთან დაკავშირებით.

6 სექტემბერს 15–წევრიანი საბჭოში ამჟამად არსებულმა ცხრავე წევრმა ბარათაშვილის გადაყენებას დაუჭირა მხარი. ბარათაშვილმა საბჭოს გადაწყვეტილებას „პოლიტიკურად მოტივირებული“ უწოდა და განაცხადა, რომ საბჭო ნაციონალური მოძრაობის გავლენის ქვეშ იმყოფება.

ახალი ხელმძღვანელის დანიშვნამდე გენერალური დირექტორის მოვალეობას მისი მოადგილე, თამაზ ტყემალაძე შეასრულებს.

5 სექტემბერს რამდენიმე არასამთავრობო ორგანიზაციამ ერთობლივი განცხადება გამოაქვეყნა. საერთაშორისო გამჭვირვალობა – საქართველომ, საქართველოს დემოკრატიულმა ინიციატივამ (GDI), ადამიანის უფლებების სწავლებისა და მონიტორინგის ცენტრმა (EMC), სამართლიანი არჩევნებისა და დემოკრატიის საერთაშორისო საზოგადოებამ (ISFED) და მედიის განვითარების ფონდმა (MDF) აღნიშეს ერთობლივ განცხადებაში, რომ „შექმნილი გაურკვევლობები უარყოფითად აისახება როგორც საზოგადოებრივი მაუწყებლის საქმიან რეპუტაციაზე, ასევე შეიძლება გავლენა იქონიოს წინასაარჩევნო გარემოზე“.

განცხადებაში ასევე აღნიშნულია ის გაურკვევლობა, რომელიც საზოგადოებრივი მაუწყებლის ორი პოლიტიკური თოქშოუს წამყვანების, ეკა კვესიტაძის და დავით პაიჭაძის გარშემო არსებობს.   

„საზოგადოებრივი მაუწყებლის ხელმძღვანელობამ განაცხადა, რომ კვესიტაძის „აქცენტები“ და პაიჭაძის „დიალოგი“ შესაძლოა დაიხუროს, თუმცა საბოლოო გადაწყვეტილება ჯერჯერობით მიღებული არ არის. მენეჯმენტის წარმომადგენლების თქმით, მაუწყებელი ორივე ჟურნალისტთან აგრძელებს თანამშრომლობას და კვესიტაძემ და პაიჭაძემ,  შესაძლოა,  შემოდგომიდან ახალი თოქშოუ წაიყვანონ. ეს ორი წამყვანი ცნობილია საკუთარი კრიტიკული დამოკიდებულებით მოქმედი ხელისუფლების მიმართ და საზოგადოების ნაწილი მათ ნაციონალური მოძრაობის მიმართ ლოიალურად განწყობილ ჟურნალისტებად მიიჩნევს, ხოლო მათ მიერ მოქმედი ხელისუფლების კრიტიკას პოლიტიკური ნეიტრალიტეტის უგულვებელყოფად აღიქვამს. შესაბამისად, გადაცემების დახურვის შემთხვევაში, საზოგადოებრივი მაუწყებლის მენეჯმენტს ამ გადაწყვეტილების მყარი და ობიექტური არგუმენტებით დასაბუთება მოუწევს, წინააღმდეგ შემთხვევაში აღნიშნული ფაქტი თავად მაუწყებლის მენეჯმენტის პოლიტიკური მიუკერძოებლობის მიმართ გააჩენს კითხვებს“, – ნათქვამია განცხადებაში.

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2019, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
33