Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
საქართველო გმობს უკრაინაში განვითარებულ ძალადობას
სივილ ჯორჯია, თბილისი / 22 იან.'14 / 18:52

საქართველო გმობს უკრაინაში განვითარებულ ძალადობას, რომელსაც სულ ცოტა სამი ადამიანის სიცოცხლე ემსხვერპლა ოპოზიციის აქტივისტებსა და სპეცრაზმს შორის შეტაკებების შედეგად, და იმედს გამოთქვამს, რომ სიტუაცია მშვიდობიანი მოლაპარაკებების გზით განიმუხტება.

„დიდი მღელვარებით ვადევნებთ თვალს ჩვენს მეგობარ და პარტნიორ ქვეყანაში - უკრაინაში მიმდინარე მოვლენებს“, - განაცხადა პრემიერ-მინისტრმა ირაკლი ღარიბაშვილმა 22 იანვას გავრცელებულ განცხადებაში, „მეტად გვაწუხებს ის, რომ კიევის ქუჩებში განვითარებულ მოვლენებს მოჰყვა მსხვერპლი.  გამოვთქვამთ ღრმა მწუხარებას ამ ტრაგიკული ფაქტის გამო“.

„ჩვენ ვგმობთ ყოველგვარ ძალადობას და ვიტოვებთ იმედს, რომ უკრაინის ხელისუფლება და მთლიანად საზოგადოება გამოიჩენს სიბრძნეს  და არ დაუშვებს მოვლენათა ძალადობრივ განვითარებას.  გვჯერა, რომ უკრაინელ მეგობრებს შესწევთ უნარი მშვიდობიანი მოლაპარაკების გზით გადაწყვიტონ ქვეყნის დემოკრატიული განვითარებისათვის აუცილებელი პოლიტიკური საკითხები“, - ნათქვამია ღარიბაშვილის განცხადებაში.

პარლამენტის თავმჯდომარემ დავით უსუფაშვილმა განაცხადა, რომ პარლამენტში არსებული პოლიტიკური ძალების „საერთო შეშფოთებას“ იწვევს კიევში გამწვავებული დაძაბულობა და ხაზი გაუსვა, დეპუტატების მიერ არაერთხელ გამოხატულ „მკაფიო“ მხარდაჭერას უკრაინელი ხალხის მიმართ, მათ შორის სპეციალური განცხადების მიღების გზით.  

„გამოვთქვამ რწმენას, რომ პოლიტიკოსები, ქვეყნის ლიდერები, ხელისუფლება, ოპოზიცია შეძლებს უარესის თავიდან აცილებას, მოსახლეობის უსაფრთხოების დაცვას, ძალადობის ესკალაციის არ დაშვებას. ეს არის ძალიან მნიშვნელოვანი უკრაინელი ხალხისთვის, ქართველი ხალხისთვის და მთლიანად რეგიონისთვის“, - განაცხადა დავით უსუფაშვილმა 22 იანვარს.

იმავდროულად, საქართველოს საგარეო საქმეთა სამინისტრომ „მაქსიმალური სიფრთხილისკენ“ და "უსაფრთხოების ზომების" დაცვისკენ მოუწოდა კიევში მყოფ საქართველოს მოქალაქეებსა და ქართული მედია საშუალებების წარმომადგენლებს.

საგარეო უწყებამ უკრაინის მოვლენებთან დაკავშირებით ცალკე გავრცელებულ განცხადებაში ასევე „ღრმა მწუხარება“ გამოთქვა კიევში შეტაკებების დროს მოქალაქეთა დაღუპვისა და დაშავების გამო.

„საქართველო პატივს სცემს თითოეული ქვეყნის უფლებას, განსაზღვროს თავისი საგარეო პოლიტიკური პრიორიტეტები, თუმცა, ამასთან, აუცილებელია, დაიცვას სამოქალაქო საზოგადოების შეკრებისა და გამოხატვის თავისუფლების პრინციპები“, - ნათქვამია განცხადებაში.

საგარეო საქმეთა სამინისტრო მოუწოდებს  უკრაინის მთავრობასაც და აქციის მონაწილეებსაც თავი შეიკავონ ძალის გამოყენებისგან და იმედოვნებს, რომ „უკრაინა, რომელიც საქართველოს ტრადიციულად მეგობარი ქვეყანაა და რომელთანაც ორმხრივ და მრავალმხრივ, მათ შორის, „აღმოსავლეთ პარტნიორობის" ფორმატში, წარმატებულად ვთანამშრომლობთ, შეძლებს დიალოგის გზით სიტუაციის განმუხტვას, ქვეყნისა და უკრაინელი ხალხის ინტერესების შესაბამისად“.

„გულწრფელად გვსურს, მომავალშიც,  უკრაინა, საქართველოსთან ერთად, ვიხილოთ როგორც საერთო ევროპული ფასეულობების გამზიარებელი ქვეყანა დიდ ევროპულ ოჯახში“, - აცხადებს საქართველოს საგარეო საქმეთა სამინისტრო.

იმავდროულად, საპარლამენტო ოპოზიციურმა პარტიამ ნაციონალური მოძრაობამ 22 იანვარს გაავრცელა განცხადება, სადაც უკრაინაში მიმდინარე „დრამატულ  მოვლენებში“ რუსეთის ხელისუფლების და უკრაინის პრეზიდენტის ვიქტორ იანუკოვიჩის პასუხისმგებლობას გაუსვა ხაზი და აღნიშნა, რომ „ძალადობის ესკალაციის“ მთავარ მიზეზს წარმოადგენს რუსეთის მხრიდან განხორციელებული „ხანგრძლივი ზეწოლა“, რათა ევროკავშირის აღმოსავლეთ პარტნიორობის ვილნიუსის სამიტზე ოფიციალურ კიევს ხელი არ მოეწერა  ასოცირების ხელშეკრულებაზე, ხოლო „დაძაბულობის ესკალაციის იმპულსად“ იქცა უკრაინის მმართველი ძალის მიერ მიღებული „არადემოკრატიული, რეპრესიული და კონფრონტაციული საკანონმდებლო გადაწყვეტილებების პაკეტი, რამაც შეზღუდა გამოხატვის და სამოქალაქო თავისუფლებები“.

„საერთაშორისო თანამეგობრობასთან ერთად, ჩვენი ვალია სრული სოლიდარობა გამოვუცხადოთ უკრაინელი ხალხის მისწრაფებას თავისუფლების, კანონის უზენაესობისა და ადამიანის უფლებებზე დამყარებული ევროპული ერების ოჯახისკენ. საქართველომ ყველაფერი უნდა გააკეთოს იმისთვის, რომ წინ აღუდგეს უკრაინის პუტინისეულ ევრაზიულ კავშირში შეთრევის ნებისმიერ მცდელობას. უკრაინის თავისუფლება ჩვენი თავისუფლებაა!“ - ნათქვამია ნაციონალური მოძრაობის განცხადებაში.

 

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
6