Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
მარნეულში ნაციონალური მოძრაობის გამგებლობის კანდიდატი მხარდამჭერთა ხმაურიანი პროტესტის მიუხედავად რეგისტრაციიდან მოიხსნა
Civil Georgia, Tbilisi / 5 ივნ.'14 / 20:43

მარნეულის საოლქო საარჩევნო კომისიის თავმჯდომარემ ნაციონალური მოძრაობის გამგებლობის კანდიდატი აკმამედ იმამკულიევი რეგისტრაციიდან მოხსნა, რასაც წინ უძღოდა ნაციონალური მოძრაობის ლიდერებისა და აქტივისტების ხმაურიანი პროტესტი ამ გადაწყვეტილების პრევენციის მიზნით - ოპოზიციის ქმედებები ცესკომ დაგმო, როგორც „უხეში ჩარევა“ საარჩევნო ადმინისტრაციის საქმიანობაში.

მარნეულის საოლქო კომისიის თავმჯდომარემ კობა ასანიძემ გადაწყვეტილება იმ საჩივრის საფუძველზე მიიღო, რომლის მიხედვითაც, აკმამედ იმამკულიევი ვერ აკმაყოფილებდა კანონით დადგენილ საცხოვრებელ ცენზს, რომ კანდიდატი ბოლო ორი წლის განმავლობაში მუდმივად უნდა ცხოვრობდეს საქართველოში.

ამ გადაწყვეტილებას წინ უძღოდა ნაციონალური მოძრაობის ლიდერების, მათ შორის დეპუტატების ხათუნა გოგორიშვილის, გოკა გაბაშვილის, ნუგზარ წიკლაურის, ირმა ნადირაშვილის, მარნეულის მაჟორიტარის აზერ სულეიმანოვის და მათი აქტივისტების პროტესტი, როგორც მარნეულის საოლქო კომისიის თავმჯდომარის კაბინეტში, ისე შენობის გარეთ.

გიგი უგულავა, ნაციონალური მოძრაობის თბილისის საქალაქო ორგანიზაციის თავმჯდომარე, უყვიროდა მარნეულის საოლქო კომისიის თავმჯდომარეს თავისივე კაბინეტში: „მე გპირდები შენ, აი ამ გადაწყვეტილების გამო, შენ კობა ასანიძე მაგრად ინანებ“. 

„საჩუქარი გინდა მიართვა ღარიბაშვილს? რას აკეთებ, არ გცხვენია? შენ თვითონ ხომ იცი, რომ კანონს არღვევ. გამოიწვევ უბედურებას“, - მიმართავდა უგულავა მარნეულის საოლქო კომისიის თავმჯდომარეს, ერთ მომენტში მის სამუშაო მაგიდაზე ხელი დაარტყა და შეიგინა, ხოლო ერთ ეპიზოდში ფურცელი, რომელიც მისი თქმით, რეგისტრაციის გაუქმების განკარგულების პროექტს წარმოადგენდა, დემონსტრაციულად დახია.

ცენტრალურმა საარჩევნო კომისიამ სპეციალური განცხადება გამოაქვეყნა, სადაც დაგმო ნაციონალური მოძრაობის ქმედებები, როგორც საარჩევნო ადმინისტრაციის მუშაობაში „უხეში ჩარევა“, რომელიც „სცილდება კანონმდებლობით საარჩევნო სუბიექტებზე მინიჭებულ უფლებამოსილებებს და აღიქმება გადაწყვეტილების მიღებაზე ზემოქმედებად“.

„მოვუწოდებთ ყველა საარჩევნო სუბიექტს და პოლიტიკურ ძალას, არ განახორციელონ ისეთი  სახის ქმედება, რომელიც შეიცავს საარჩევნო ადმინისტრაციაზე ზეწოლის ნიშნებს და იმოქმედონ მხოლოდ სამართლებრივ ჩარჩოებში, კანონმდებლობის შესაბამისად“, - განაცხადა ცესკომ.

ქართულმა ოცნებას 5 ივნისს გავრცელებულ განცხადებაში ასევე დაგმო ნაციონალური მოძრაობის მხრიდან მარნეულის საარჩევნო კომისიის თავმჯდომარეზე „ზეწოლის“ ფაქტი, მის კაბინეტში პარტიის ლიდერების,  მათ შორის „მოქალაქეების კუთვნილი მილიონობით ლარის გაფლანგვაში“ ბრალდებული გიგი უგულავას „შეჭრა“.

„ეს ქმედება რეაგირების გარეშე არ დარჩება“, - ნათქვამია ქართული ოცნების განაცხადებაში, რომელიც მოუწოდებს „შესაბამის უწყებებს, დროულად შეაფასონ მომხდარი ფაქტი და მისცენ სათანადო კვალიფიკაცია“.

„ნაცვლად იმისა, რომ „ნაციონალური მოძრაობა“ შემოვიდეს ჯანსაღ პოლიტიკურ კონკურენციაში და მიიღოს ის განაჩენი, რომელსაც მათ ქართველი ხალხი განუსაზღვრავს, საარჩევნო ადმინისტრაციასთან ჩვეული მუქარის ტონით აგრძელებს საუბარსა და ქმედებას“, - აცხადებს მმართველი კოალიცია.  

ნაციონალურმა მოძრაობის მტკიცებით, მარნეულში მათი კანდიდატის არჩევნებიდან ჩამოშორება ხელისუფლებას სურდა, რადგან აკმამედ იმამკულიევს გამგებლის არჩევნების მოგების კარგი შანსი ჰქონდა და მის წინააღმდეგ საბაბად ორწლიანი საცხოვრებელი ცენზი იქნა გამოყენებული.

საოლქო კომისიის თავმჯდომარის გადაწყვეტილება შესაძლებელია კანონის დადგენილი წესით გასაჩივრდეს ცესკოში, რომლის გადაწყვეტილებაც ასევე ექვემდებარება სასამართლოს ორ ინსტანციაში გასაჩივრებას.

კანდიდატების საცხოვრებელ ცენზთან დაკავშირებით სამ დავას ჰქონდა ამ დრომდე ადგილი: ორ შემთხვევაში, რომელიც ქართული ოცნების ფოთისა და რუსთავის მერობის კანდიდატებს უკავშირდებოდა, მათი რეგისტრაცია ძალაში დარჩა, ხოლო გორში თავდაცვის ყოფილი მინისტრი ირაკლი ოქრუაშვილი მერის არჩევნებიდან მოიხსნა.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2024, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
16