Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ნატოს სამხედრო კომიტეტის ვიზიტი საქართველოში
Civil Georgia, Tbilisi / 4 მარ.'17 / 13:27

ნატოს სამხედრო კომიტეტმა, რომელიც ნატოს წევრი ქვეყნების სამხედრო მაღალჩინოსნებისგან შედგება, 3 მარტს საქართველოში განხორციელებული ორდღიანი ვიზიტი დაასრულა. ვიზიტის ფარგლებში ნატო-საქართველოს არსებითი პაკეტის განხორციელების და რეგიონური უსაფრთხოების საკითხები იქნა განხილული.

სამხედრო კომიტეტის თავმჯდომარემ, გენერალმა პეტრ პაველმა, ნატოს სამხედრო მაღალჩინოსნებთან ერთად, მაღალი დონის შეხვედრები გამართა საქართველოს ოფიციალურ პირებთან.

2 მარტს, ჩეხ გენერალს საქართველოს თავდაცვის მინისტრმა ლევან იზორიამ უმასპინძლა. მხარეებმა ნატო-საქართველოს თანამშრომლობის პერსპექტივებზე, რეგიონში უსაფრთხოების გამოწვევებზე, ასევე ნატო-საქართველოს არსებით პაკეტზე და საერთაშორისო მისიებში საქართველოს მონაწილეობაზე იმსჯელეს.

„ნატო მხარს უჭერს საქართველოს ერთგულებას და მის მისწრაფებებს ევრო-ატლანტიკურ სტრუქტურებში გაწევრიანების მიმართ“, - განაცხადა გენერალმა პაველმა 2 მარტს საქართველოს თავდაცვის სამინისტროს წარმომადგენლებთან შეხვედრის შემდეგ გამართულ ერთობლივ პრესკონფერენციაზე.

მართალია ნატოს ოფიციალური პირები მიესალმებიან საქართველოს მიერ ნატოში გაწევრიანების მიზნით განხორციელებულ რეფორმებს და ცვლილებებს, გენერალმა პაველმა აღნიშნა, რომ „გრძელი გზა რჩება ქვეყნის წევრობისთვის მოსამზადებლად“. თუმცა, მან ხაზი გაუსვა, რომ ნატო ყველაფერს გააკეთებს იმისათვის, რომ „საქართველო ნატოს მომავალი წევრობისთვის მოამზადოს“.

გენერალმა პაველმა კიდევ ერთხელ გაიმეორა ნატოს მხარდაჭერა საქართველოს ტერიტორიული მთლიანობის და სუვერენიტეტის მიმართ და მოუწოდა რუსეთის ფედერაციას, რომ „გააუქმოს სამხრეთ ოსეთის და აფხაზეთის რეგიონების აღიარების გადაწყვეტილება და გაიყვანოს თავისი შეიარაღებული ძალები საქართველოდან“.

საქართველოს თავდაცვის მინისტრმა ლევან იზორიამ ხაზი გაუსვა, რომ საქართველო-ნატოს ურთიერთობა ბოლო თვეების მანძილზე „უპრეცედენტო“ გახდა.

მან ასევე განაცხადა, რომ ნატოს სამხედრო კომიტეტის ვიზიტი საქართველოში ალიანსის ძლიერი გზავნილის დემონსტრირებაა, რომელიც განაგრძობს საქართველოს ინტეგრაციისა და ნატოს წევრობისთვის განხორციელებული ძალისხმევის მხარდაჭერას.

ხუთშაბათს გამართული პრესკონფერენციის შემდეგ ნატოს სამხედრო წარმომადგენლები ნატო-საქართელოს წვრთნისა და შეფასების ერთობლივ ცენტრს ესტუმრნენ, სადაც ავღანეთში მტკიცე მხარდაჭერის მისიის გადასროლისწინა სწავლების საჩვენებელ წვრთნას დაესწრნენ.

ნატოს სამხედრო კომიტეტის 3 მარტის სხდომაზე, რომელშიც ქართული მხარეც მონაწილეობდა, მხარეებმა რეგიონული უსაფრთხოების და გამოწვევების, ასევე შავი ზღვის რეგიონში ნატოს გაზრდილი წარმომადგებლობის საკითხები განიხილეს.

ვიზიტის ფარგლებში ნატოს 28 სამხედრო წარმომადგენელი სამხრეთ ოსეთთან ადმინისტრაციულ სასაზღვრო ზოლს სტუმრობდა, სადაც მათ არსებულ სიტუაციაზე ინფორმაცია მიეწოდათ.

ვიზიტის ფარგლებში გენერალი პეტრ პაველი ასევე შეხვდა პრეზიდენტ გიორგი მარგველაშვილს და პრემიერ-მინისტრ გიორგი კვირიკაშვილს.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2020, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
26