Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
კვირიკაშვილი კიევში უკრაინის ლიდერებს შეხვდა
Civil Georgia, Tbilisi / 28 მარ.'17 / 10:57


კვირიკაშვილი და უკრაინის პრემიერ მინისტრი ვოლოდიმირ გროისმანი, 27 მარტი, 2017. ფოტო: მთავრობის ადმინისტრაცია

საქართველოს პრემიერ-მინისტრმა გიორგი კვირიკაშვილმა 27 მარტს, კიევში თავის უკრაინელ კოლეგასთან ვოლოდიმირ გროისმანთან გამართა შეხვედრა, რომელთანაც საქართველო - უკრაინის ორმხრივი თანამშრომლობის საკითხები განიხილა.

უკრაინის მთავრობის ადმინისტრაციის ინფორმაციით, მხარეებმა კომერციულ და ეკონომიკურ ურთიერთობებზე იმსჯელეს. ასევე, ხაზი გაუსვეს ენერგეტიკის, ინფრასტრუქტურის და სოფლის მეურნეობის სფეროებში თანამშრომლობის წახალისების საჭიროებას.

პრემიერ-მინისტრმა გროისმანმა საერთაშორისო არენაზე უკრაინის მხარდაჭერისთვის კვირიკაშვილს მადლობა გადაუხადა. „ჩვენ ვგრძნობთ თქვენს მუდმივ მხარდაჭერას ჩვენი ტერიტორიული მთლიანობის მიმართ; თქვენი პოზიცია რუსეთის მიერ უკრაინის აგრესიაზე ძალიან მნიშვნელოვანია ჩვენთვის“, - განაცხადა ვოლოდიმირ გროისმანმა.

შეხვედრის დასასრულს, კვირიკაშვილმა უკრაინელი კოლეგა ნოემბერში აბრეშუმის გზის ფორუმზე დასასწრებად საქართველოში მოიწვია. მხარეები ასევე მიესალმნენ ეკონომიკური თანამშრომლობის საკითხებზე უკრაინა-საქართველოს ერთობლივ სამთავრობო კომისიის სხდომას, რომელიც 12-13 აპრილისთვისაა დაგეგმილი.

იმავე დღეს, საქართველოს პრემიერ-მინისტრმა უკრაინის პრეზიდენტთან პეტრო პოროშენკოსთან ერთად სუამის წევრი სახელმწიფოების ლიდერების შეხვედრაში მიიღო მონაწილეობა.


პრეზიდენტი პოროშენკო სუამის წევრი სახელმწიფოების ლიდერებთან, 27 მარტი, 2017. ფოტო: საქართველოს მთავრობის ადმინისტრაცია

უკრაინის პრეზიდენტის ადმინისტრაციის მიერ გავრცელებულ პრესრელიზში ნათქვამია, რომ პოროშენკო მიესალმება სუამის სამიტის შედეგებს, რომლებსაც „სუამის თავისუფალი ვაჭრობის ზონის ასამოქმედებლად დიდი მნიშვნელობა აქვს“.

„მხარეები მიესალმნენ იმ დოკუმენტების ხელმოწერას, რომელიც სუამის სატრანსპორტო დერეფნის განვითარებას ხელს შეუწყობს. ეს დერეფანი ევროპისა და აზიის მნიშვნელოვანი დამაკავშირებელი გახდება, რომელიც ორგანიზაციის წევრი ქვეყნებისთვის ეკონომიკური ურთიერთობების გაღრმავების ფართო შესაძლებლობებს შექმნის“, - აცხადებს უკრაინის პრეზიდენტის ადმინისტრაცია.

შეხვედრაზე კონფლიქტური რეგიონების შესახებაც იმსჯელეს. „მხარეებმა ურთიერთმხარდაჭერა გამოხატეს სუამის წევრი ქვეყნების სუვერენიტეტის, ტერიტორიული მთლიანობის ხელშეუხებლობის და საერთაშორისოდ აღიარებული საზღვრების ურღვეობის მიმართ“, - პოროშენკოს ადმინისტრაციამ განაცხადა.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2022, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
11