Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
რუსეთი სოხუმში საბაჟო პუნქტს გახსნის
Civil Georgia, Tbilisi / 21 სექ.'17 / 18:36

რუსეთის ფედერაციის საბაჟო სამსახურის ხელმძღვანელის ვლადიმირ ბულავინის მიერ 12 სექტემბერს გამოცემული ბრძანების თანახმად, რუსეთის ფედერაციის საბაჟო სამსახური ოკუპირებულ აფხაზეთში ახალ სპეციალურ საბაჟო პუნქტს გახსნის.

ახალი პუნქტი, რომელიც სოხუმში განთავსდება, ფედერაციის საბაჟო სამსახურის კუთვნილება იქნება და მისი საშტატო განრიგიც (ხუთი ადამიანი) ბულავინის ბრძანებით უკვე განისაზღვრა.  საბაჟო პუნქტის იურისდიქციაში მთელი აფხაზეთი შევა.

ბრძანება, რომელიც 1 ნოემბერს შევა ძალაში, აკონკრეტებს, რომ გადაწყვეტილება აფხაზეთში სპეციალიზირებული საბაჟო პუნქტის გახსნის თაობაზე ეფუძნება სოხუმის ხელისუფლებასთან მოსკოვის 2010 წლის ოქტომბრის „შეთანხმებას საბაჟო საკითხებში თანამშრომლობის და ურთიერთდახმარების თაობაზე“.

შეთანხმების თანახმად, რუსეთს ენიჭება უფლებამოსილება, რომ „სპეციალიზირებული საბაჟო ორგანო“ ჩამოაყალიბოს, რომლის მიზანიც იქნება „აფხაზეთიდან ან მისი გავლით რუსეთში საქონელსა და (ან) სატრანსპორტო საშუალებებზე საბაჟო რეგისტრაციის და კონტროლის განხორციელება“. „სპეციალიზირებულ საბაჟო ორგანოს“ ასევე ექნება უფლება, რომ საქონლის ტრანსპორტირებასთან დაკავშირებული კანონდარღვევების აღმოჩენისა და აღკვეთისკენ მიმართული ღონისძიებები განახორციელოს.

შეთანხმების თანახმად, საბაჟო პუნქტი რუსეთის ფედერაციის საბაჟო კანონმდებლობის მიხედვით განახორციელებს საბაჟო რეგისტრაციას და კონტროლს.

ამას გარდა, „სპეციალიზირებულ საბაჟო სააგენტოს“ იგივე სტატუსი ექნება, რაც დიპლომატიური მისიებისთვისაა გათვალისწინებული ვენის კონვენციით დიპლომატიური ურთიერთობების შესახებ.  საბაჟო პუნქტის თანამშრომლებისთვის და მათი ოჯახებისთვის სტატუსს და იმუნიტეტს ასევე ვენის კონვენცია განსაზღვრავს.

საბაჟო პუნქტის შექმნის გადაწყვეტილებას წინ უძღოდა შინაგან საქმეთა ორგანოების ერთობლივი საინფორმაციო-საკოორდინაციო ცენტრის ჩამოყალიბება - კიდევ ერთი სტრუქტურის, რომელიც აფხაზეთში რუსეთის უშიშროების თანამშრომლების მუდმივ განთავსებას ითვალისწინებს.

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
7