Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ევროკავშირის მომავალი სპეციალური წარმომადგენელი ეუთოს მუდმივმოქმედ საბჭოზე სიტყვით გამოვიდა
Civil Georgia, Tbilisi / 3 ნოე.'17 / 17:03

ესტონელი დიპლომატი ტოივო კლაარი, რომელიც სამხრეთ კავკასიაში და საქართველოში კრიზისის საკითხებში ევროკავშირის სპეციალური წარმომადგენელი გახდება, თავის მომავალ რანგში პირველად გამოჩნდა საჯაროდ.

ტოივო კლაარი, რომელიც ჟენევის საერთაშორისო დისკუსიებზე ევროკავშირის წარმომადგენელი იქნება, 2 ნოემბერს ეუთოს მუდმივმოქმედი საბჭოს სხდომაზე სიტყვით გამოვიდა, ეუთოდან და გაეროდან დანარჩენ ორ თანათავმჯდომარესთან, გიუნტერ ბეხლერთან და ანტი ტურუნენთან ერთად.

მომავალმა სპეციალურმა წარმომადგენელმა თავის გამოსვლაში ხაზი გაუსვა, რომ ჟენევის საერთაშორისო დისკუსიები და ინციდენტების პრევენციისა და მათზე რეაგირების მექანიზმები მნიშვნელოვან ინსტრუმენტებს წარმოადგენს, რომლებიც „მონაწილეებს ანგარიშვალდებულების განცდას უქმნის“, ვინაიდან მოლაპარაკებების დროს „ყველა მნიშვნელოვანი საკითხი განიხილება“.

ტოივო კლაარმა, რომელიც 2013-2014 წლებში საქართველოში ევროკავშირის სადამკვირვებლო მისიას ხელმძღვანელობდა, ასევე ხაზი გაუსვა, რომ გარდა უსაფრთხოების საკითხებისა, ჟენევის დისკუსიების დღის წესრიგში მნიშვნელოვანი ადგილი უკავია ადამიანის ფუნდამენტური უფლებების და მოსახლეობაზე ჰუმანიტარული გავლენის საკითხებს.

თანათავმჯდომარეებმა ასევე განიხილეს ძალის გამოუყენებლობის და დევნილებისა და ლტოლვილების დაბრუნების საკითხები. ორივე ეს საკითხი ჟენევის დისკუსიების ფარგლებშიც განიხილება. 

აშშ-ის მისიამ ეუთოში  თანათავმჯდომარეების გამოსვლის საპასუხოდ განცხადება გამოაქვეყნა, სადაც კლაარს მომავალ დანიშვნას ულოცავს და აღნიშნავს, რომ ჟენევის საერთაშორისო დისკუსიები „მნიშვნელოვანია საქართველოში უსაფრთხოების, სტაბილურობის და ადამიანის უფლებების პატივისცემის გაღრმავებისთვის“ და 2008 წლის კონფლიქტის მოგვარების საშუალებას წარმოადგენს.

„ჟენევის ფორმატის მეშვეობით, ეუთო, ევროკავშირი და გაერო შეუფასებელ როლს ასრულებენ კონფლიქტით დაზარებულ რეგიონებში უსაფრთხოების სიტუაციის, ადამიანის უფლებათა და ჰუმანიტარული პირობების მონიტორინგის კუთხით“, - ნათქვამია განცხადებაში.

აშშ-ის მისიამ მოუწოდა რუსეთს, რომ შეასრულოს 2008 წლის ცეცხლის შეწყვეტის შეთანხმებით აღებული ვალდებულებები და დააბრუნოს საკუთარი სამხედრო ძალები ომამდე არსებულ პოზიციებზე, ასევე გააუქმოს საკუთარი გადაწყვეტილება საქართველოს აფხაზეთის და სამხრეთ ოსეთის რეგიონების აღიარების თაობაზე. მან ასევე შეშფოთება გამოხატა რუსეთის „პროვოკაციულ ქმედებებზე, რომლებიც ამ რეგიონებზე გავლენის მოპოვებას ისახავს მიზნად“.    

ტოივო კლაარი ევროკავშირის სპეციალური წარმომადგენლის პოსტზე ჰერბერტ ზალბერს შეცვლის. ამ უკანასკნელმა თანამდებობა აგვისტოში დატოვა, რასაც დაახლოებით ორი თვით ადრე წინ უძღოდა მისი განცხადება ცხინვალში, რომელსაც საქართველოს ოფიციალური პირების და ოპოზიციური პოლიტიკოსების მკაცრი კრიტიკა მოყვა.

2005 წელს ევროკომისიაში მუშაობის დაწყებამდე, კლაარს ესტონეთის სამოქალაქო სამსახურში სხვადასხვა თანამდებობები ეკავა; 1999-2001 წლებში იგი ესტონეთის პრეზიდენტის მრჩეველი იყო საგარეო პოლიტიკის საკითხებში; იგი ასევე მსახურობდა ესტონეთის საგარეო საქმეთა სამინისტროში, სადაც პოლიტიკურ საქმეთა დეპარტამენტის გენერალური დირექტორი იყო. მანამდე იგი თავდაცვის მინისტრის მრჩევლად მსახურობდა.

2005-2010 წლებში ტოივო კლაარი ესტონეთში ევროკომისიის წარმომადგენლობას ხელმძღვანელობდა, სანამ ევროკომისიის იმ სტრუქტურის ხელმძღანელი გახდებოდა, რომელიც ევროპის საგარეო ქმედებათა სამსახურის ჩამოყალიბების კოორდინაციასა და მართვაზე მუშაობდა. მოგვიანებით, ის ამ სამსახურს შეუერთდა როგორც ადამიანური რესურსების პოლიტიკისა და კოორდინაციის განყოფილების უფროსი.    

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2022, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
13