Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
სააკაშვილი ამომრჩევლებს მიმართავს და ხელფასების ზრდას პირდება
Civil Georgia, Tbilisi / 3 აპრ.'18 / 18:42

ექს-პრეზიდენტმა მიხეილ სააკაშვილმა, რომელიც ოპოზიციური პარტიის ერთიანი ნაციონალური მოძრაობის საპატიო თავმჯდომარეა, 3 აპრილს მოკლე სატელევიზიო განცხადება გამოაქვეყნა, სადაც ქართული ოცნების მთავრობას აკრიტრიკებს „კატასტროფული“ ეკონომიკური მდგომარეობის გამო და პენსიების, ასევე პოლიციელების და მასწავლებლების ხელფასების გაზრდის პირობას დებს.

„ამ გაუარესებულ ეკონომიკურ მდგომარეობას აქვს თავისი კონკრეტული გამომწვევი მიზეზი და ეს მიზეზი არის ის მაფია, რომელიც ჩამოყალიბდა ეკონომიკის მართვის პროცესში“, - განაცხადა სააკაშვილმა. „საქმე იმაშია, რომ ივანიშვილი საქართველოში აკეთებს ზუსტად იმავეს, რაც მან იცის 90-იანი წლების რუსეთიდან; კერძოდ, ის მოელაპარაკა რამდენიმე ბანკს და რამდენიმე ბანკის მეშვეობით დაკავებულია ქართული ეკონომიკის გაჩანაგებით“.

„მე, მიხეილ სააკაშვილი, ამ მაფიას ვეუბნები - ჩვენ გავაუქმებთ თქვენ მმართველობას. ჩვენ დავუბრუნებთ ეკონომიკურ ძალაუფლებას ქართულ ოჯახებს... ნამდვილ ქართულ ბიზნესებს, წვრილმან და საშუალო ბიზნესებს“, - განაცხადა ექს-პრეზიდენტმა და დასძინა, რომ ეს საშუალებას მისცემს მის პარტიას, რომ დაუყონებლივ გაზარდოს ხელფასები.

სააკაშვილმა კიდევ ერთხელ გაიმეორა ნაციონალური მოძრაობის დაპირება პენსიების 400 ლარამდე გაზრდის თაობაზე და აღნიშნა, რომ ამის გაკეთება ადვილი იქნება ხელისუფლების შეცვლის შემდეგ, რაც ექს-პრეზიდენტის თქმით, 2018 წლის საპრეზიდენტო არჩევნების „კვალდაკვალ“ მოხდება.

სააკაშვილმა მასწავლებლების ხელფასებზეც ისაუბრა და განაცხადა, რომ მათ ხელფასები სულ ცოტა 1000 ლარამდე გაეზრდებათ.

ექს-პრეზიდენტმა აღნიშნა, რომ „პოლიციელები დღეს ყველაზე გაუბედურებულ მდგომარეობაში არიან, კრიმინალმა იმატა, უფროსობა მათ უკანონო დავალებებს აძლევს, ნეპოტიზმი, კორუფცია, ხელის გადაფარება“. მისი თქმით, მათი მინიმალური ხელფასი 2000 ლარი უნდა იყოს, „გათვალისწინებით იმ რისკის, რომელიც აქვს ამ პროფესიას და იმის გათვალისწინებით, რომ ძალიან ბევრი პოლიციელი გარბის ქვეყნიდან“.

„მთავარი პრობლემა საქართველოსი არის ის, რომ საქართველო იცლება. ეს არის რეალური საფრთხე. ამ რეალური საფრთხის გამოსწორება შეიძლება მხოლოდ ეკონომიკის შემობრუნებით და ცხოვრების დონის სწრაფი ამაღლებით“, - განაცხადა სააკაშვილმა და დასძინა, რომ იგი პირადად მიხედავს რეფორმებს.

„ახლა ისინი ჩემზე საქმეებს აღძრავენ მხოლოდ ერთადერთი მიზნით, რომ არც ვიფიქრო ჩასვლა საქართველოში.  ვერ მოესწრებით, მე ჩამოვალ საქართველოში და ამ ყველა პროგრამას მე განვახორციელებ ჩვენ გუნდთან ერთად. მე არ მივატოვებ ქართველ ხალხს განსაცდელში“, - დასძინა ექს-პრეზიდენტმა.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2019, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
28