Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ევროკავშირი ‘ღრმა შეშფოთებას’ გამოხატავს აფხაზეთსა და სამხრეთ ოსეთში ადამიანის უფლებათა დაცვის მდგომარეობის გამო
Civil Georgia, Tbilisi / 20 აპრ.'18 / 12:57

ევროკავშირი ღრმა შეშფოთებას გამოხატავს ოკუპირებულ აფხაზეთსა და სამხრეთ ოსეთში არსებული სიტუაციის და ამ ორ რეგიონში ადამიანის უფლებათა დაცვის კუთხით არსებული ვითარების მუდმივი გაუარესების გამო, განაცხადა ევროპის საბჭოში ევროკავშირის დელეგაციამ 18 აპრილს.

განცხადება, რომელიც ევროპის საბჭოს გენერალური მდივნის მე-17 კონსოლიდირებული ანგარიშის საპასუხოდ გაკეთდა, ევროპის საბჭოში ევროკავშირის მისიის ხელმძღვანელებთან შეთანხმებით მომზადდა და მას ალბანეთის, ანდორას, ბოსნია და ჰერცეგოვინას, საქართველოს, მონაკოს, მონტენეგროს, ნორვეგიის, მოლდოვას, მაკედონიის, თურქეთის და უკრაინის წარმომადგენლები შეუერთდნენ.

ევროკავშირი აღნიშნავს განცხადებაში, რომ „განსაკუთრებით შეშფოთებულია“ თავისუფალი გადაადგილებისთვის დაბრკოლებების შექმნის, თვითნებური დაკავებების, ეთნიკური დისკრიმინაციის, აფხაზეთში ეთნიკური ქართველებისთვის დოკუმენტების გაცემაში შეფერხებების, მშობლიურ ენაზე განათლების მიღების შეზღუდვის და დევნილთა საკუთრების უფლებების შელახვის გამო.

ევროკავშირი ასევე წუხს იმის გამო, რომ რუსეთი და ჟენევის საერთაშორისო დისკუსიების მონაწილეები ცხინვალიდან და სოხუმიდან უარს აცხადებენ, რომ ლტოლვილთა და დევნილთა საკითხის განხილვაში ჩაერთონ, რაც, მისი თქმით, ჟენევის დისკუსიების მანდატის საფუძველია და რომლის მუდმივი ბოიკოტიც საფრთხეს უქმნის დიალოგის მთლიან მექანიზმს.

„რუსეთის სამხედრო ძალების უკანონო ყოფნა, მზარდი სამხედრო წვრთნები და ინფრასტრუქტურის გაძლიერება“ ორ რეგიონში, ასევე ე.წ. „ბორდერიზაციის“ პროცესის გააქტიურება და ე.წ. საბაჟო პუნქტების გახსნა ასევე წარმოადგენს შეშფოთების წყაროს, ნათქვამია განცხადებაში.

ევროკავშირი არჩილ ტატუნაშვილის საკითხსაც შეეხო და განაცხადა, რომ მისი გარდაცვალება ცხინვალში „შესაძლოა შემაშფოთებელ ტენდენციას ასახავდეს“. „ამ საბედისწერო ინციდენტის გარშემო არსებული დაუსჯელობა 2016 წლის მაისის ოთხოზორიას საქმეს გვაგონებს“, ნათქვამია განცხადებაში, რომლის თანახმადაც „ამგვარი დაუსჯელობა მნიშვნელოვან უარყოფით გავლენას ახდენს ადამიანის უსაფრთხოებაზე“.

„არჩილ ტატუნაშვილის ცხედრის გადაცემას ნათესავებისთვის, რაც ადამიანური ღირსების საკითხია, არ უნდა დასჭირვებოდა თითქმის ერთი თვე და გამხდარიყო მოლაპარაკებების საგანი“, - ნათქვამია განცხადებაში.

ევროკავშირმა ასევე აღნიშნა, რომ იგი კვლავ მზადაა მხარი დაუჭიროს მშვიდობის დამყარებას და კონფლიქტის მოგვარებას საქართველოში და მიესალმება საქართველოს მთავრობის ახალ სამშვიდობო ინიციატივას, „რომელიც ადმინისტრაციული სასაზღვრო ზოლის ორივე მხარეს მცხოვრებ ადამიანებს მოუტანს სარგებელს ვაჭრობის, განათლების და გადაადგილების ხელშეწყობის გზით“.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
55