Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
პარლამენტმა პარტიების დაფინანსების წესში ცვლილებები მიიღო
Civil Georgia, Tbilisi / 20 აპრ.'18 / 16:04

საქართველოს პარლამენტმა 18 აპრილს 77 ხმით ერთის წინააღმდეგ მოქალაქეთა პოლიტიკური გაერთიანებების შესახებ კანონში ცვლილებები მიიღო, რის შედეგადაც პარტიების დაფინანსების ახალი წესები ამოქმედდა.

საკანონმდებლო ინიციატივა, რომელიც 2017 წლის ოქტომბერში დარეგისტრირდა, ქართული ოცნების ორი დეპუტატის - ფრაქცია „მრეწველების“ წევრის სიმონ ნოზაძის და ფრაქცია „სოციალ-დემოკრატების“ წევრის გია ჟორჟოლიანის ავტორობით მომზადდა.

ახალი რეგულაციებით, ის პარტიები, რომლებიც სულ ცოტა ერთ მაჟორიტარულ მანდატს მოიპოვებენ (დამოუკიდებლად ან საარჩევნო ბლოკში) და ფრაქციას შექმნიან, შეძლებენ საბიუჯეტო დაფინანსების მიღებას.

მანამდე მხოლოდ ის პარტიები იღებდნენ დაფინანსებას, რომლებიც ხმების სულ ცოტა 3%-ს მიიღებდნენ (დამოუკიდებლად ან საარჩევნო ბლოკში) წინა საპარლამენტო ან ადგილობრივ არჩევნებზე. ეს წესი კვლავ ძალაში რჩება.

შედეგად, მრეწველთა პარტია, რომელმაც 2016 წლის საპარლამენტო არჩევნებზე ხმების მხოლოდ 0,78% მიიღო, თუმცა ხაშურის ერთმანდატიან ოლქში მანდატი მოიპოვა და ფრაქცია შექმნა ქართული ოცნების უმრავლესობის ფარგლებში, დაახლოებით 600 000 ლარის ოდენობის ყოველწლიურ საბიუჯეტო დაფინანსებას მიიღებს.

სამმა არასამთავრობო ორგანიზაციამ, მათ შორის საქართველოს ახალგაზრდა იურისტთა ასოციაციამ, საერთაშორისო გამჭირვალობამ და სამართლიანი არჩევნების და დემოკრატიის საერთაშორისო საზოგადოებამ, ცვლილებები გააკრიტიკა და მათ „ყოვლად გაუმართლებელი“ უწოდა, რომელიც „მხოლოდ ერთ პარტიაზე არის შეგნებულად მორგებული“.

„[ცვლილებები] მნიშვნელოვნად ამცირებს სახელმწიფო დაფინანსების მისაღებად საჭირო სტანდარტს და შეზღუდული სახელმწიფო რესურსის არამიზანშეწონილად გამოყენების რისკებს ზრდის. პოლიტიკური გაერთიანებებისთვის სახელმწიფო ბიუჯეტიდან დაფინანსების გამოყოფა მათ მიერ მთელი ქვეყნის მასშტაბით მოპოვებული ამომრჩევლის მხარდაჭერის გამო უნდა ხდებოდეს და არა პარლამენტში პარტიის ერთი წევრის არჩევისთვის, რომელიც შემდეგ ფრაქციას შექმნის“, - ნათქვამია განცხადებაში.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
49