Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ომბუდსმენი და გუბერნატორი მგზავრების დაკავების გამო ერთმანეთს დაუპირისპირდნენ
სივილ ჯორჯია, თბილისი / 2 ნოე.'04 / 10:42
"სივილ ჯორჯია"

საქართველოს ომბუდსმენი სოზარ სუბარი და შიდა ქართლის გუბერნატორი მიხეილ ქარელი ერთმანეთს მას შემდეგ დაუპირისპირდნენ, რაც ომბუდსმენმა ხელისუფლება ხუთი სამგზავრო ავტობუსის დაკავების გამო გააკრიტიკა.

შიდა ქართლის გუბერნატორმა 31 ოქტომბერს სოზარ სუბარი, რომელიც მგზავრების ინტერესებს იცავდა, " პირად დაინტერესებაში“ დაადანაშაულა, ხოლო მგზავრებს კი რუსეთ-საქართველოს საზღვრის სამხრეთ ოსეთის მონაკვეთის გადმოკვეთის გამო "ოსი სეპარატისტების დაფინანსებაში“ დასდო ბრალი. 

1 ნოემბერს ტელეკომპანია "მზისთვის“ მიცემულ ინტერვიუში სოზარ სუბარმა განაცხადა, რომ შიდა ქართლის გუბერნატორს ურჩევნია "საქმე მათთან გაარკვიოს, ვისაც [კონფლიქტის ზონაში] დღემდე ისევ არსებულ კონტრაბანდაში პირადი ინტერესები აქვთ". ზაფხულში საქართველოს ხელისუფლებამ კონტრაბანდის წინააღმდეგ ბრძოლა აქტიურად დაიწყო და ერგნეთის ბაზრობა გააუქმა.

ამჯერად, საქართველოს ხელისუფლებამ მგზავრების დაკავება იმ მოტივით ახსნა, რომ ისინი როკის გვირაბის გავლით შემოვიდნენ, რომელიც სამხრეთ ოსეთს რუსეთის ფედერაციას უკავშირებს და რომელზეც საქართველოს ხელისუფლების კონტროლი არ ვრცელდება.  ოფიციალური თბილისი მგზავრებისა და ტვირთების ნაკადის მოძრაობას ლარსის საკონტროლო-გამშვები პუნქტის საშუალებით ითხოვს, რომელიც ერთადერთ სახმელეთო სასაზღვრო პუნქტს წარმოადგენს რუსეთთან, სადაც საქართველოს ხელისუფლების კონტროლი ვრცელდება.

1 ნოემბერს, მოგვიანებით, ავტობუსებს გამგზავრების უფლება მისცეს, თუმცა მგზავრთა შემოწმების მიზნით ისინი პოლიციამ გორის საბაჟო ტერმინალამდე მიაცილა.

საქართველოს უშიშროების მინისტრმა ვანო მერაბიშვილმა 1 ნოემბერს ჟურნალისტებს განუცხადა, რომ ის მძღოლები, რომელთაც საზღვრის სამხრეთ ოსეთის მონაკვეთი გადმოკვეთეს, "მკაცრად უნდა დაისაჯონ“.

შინაგან საქმეთა მინისტრმა ირაკლი ოქრუაშვილმა ასევე აღნიშნა, რომ ხელისუფლება დააკავებს ყველას, ვინც შეეცდება როკის გვირაბის გავლით მოძრაობას. "ყველას ვურჩევ თავი შეიკავოს ამისგან“, დასძინა მან.

"ის ფული, რომელსაც ოს სეპარატისტებს უხდიან [როკის გვირაბის გამოყენებისთვის] არის ქართული სოფლების წინააღმდეგ გასროლილი ტყვიების ახალი ტალღა“, განუცხადა ოქრუაშვილმა ჟურნალისტებს.

თუმცა, საქართველოს ომბუდსმენის განცხადებით, ქართველი მოქალაქეების დაკავება ქვეყნის კონსტიტუციის დარღვევას ნიშნავს, განსაკუთრებით იმ დებულებისა, რომელიც  გადაადგილების თავისუფლებას ეხება. "ეს არის კანონის სრული უგულვებელყოფა და საქართველოს კონსტიტუციის დარღვევა“, განუცხადა სოზარ სუბელიანმა ჟურნალისტებს 31 ოქტომბერს.   

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
14