Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
პრეზიდენტი მაჟორიტარული საარჩევნო სისტემის შეცვლის წინააღმდეგია
სივილ ჯორჯია, თბილისი / 11 ნოე.'10 / 19:04

პარლამენტის მაჟორიტარული არჩევნების სისტემის შეცვლის გარდა, ყველა საკითხზე შესაძლებელია მოლაპარაკებები მმართველ და ოპოზიციურ  პარტიებს შორის საარჩევნო რეფორმაზე დაწყებული კონსულტაციების ფარგლებში, რაც "ძალიან მნიშვნელოვანი პროცესია“, განაცხადა პრეზიდენტმა სააკაშვილმა 11 ნოემბერს.

მისი ეს განცხადება დიდი ალბათობით გულისხმობდა მაჟორიტარული სისტემის შეცვლის წინადადებას, რომელიც რვა ოპოზიციურმა პარტიამ სხვა საკითხებთან ერთად მოამზადა საარჩევნო კანონმდებლობის დახვეწის მიზნით.

“იყო ასეთი მოთხოვნებიც, რომ რაიონების წარმომადგენლობა გაუქმდეს, იყოს მარტო პარტიული სიები და მარტო პარტიები იყრიდნენ კენჭს და რაიონებს საქართველოს პარლამენტში ჰქონდეთ ან ნაკლები წარმომადგენლობა ან არ ქონდეთ წარმომადგენლობა – ამას მე ვერაფრით ვერ დავეთანხმები, ახლავე ვამბობ,“– განუცხადა სააკაშვილმა ჟურნალისტებს აფხაზეთის ადმინისტრაციულ საზღვართან მდებარე სოფელ შამგონაში სტუმრობისას.

"იმიტომ რომ ახლა ჩვენ უნდათ დაგვაბრუნონ ისევ იქ ახლა რუსთაველის გამზირის პარტიები რომ არიან, რომ აინტერესებს მარტო რა ხდება რუსთაველზე და რა ხდება რომელიმე ტელე–სტუდიაში,“– განაგრძო მან, „ვირტუალური პარტიები, რომლებსაც წარმოდგენა არ აქვთ, მაგალითად, სად არის სოფელი შამგონა, წარმოდგენა არ აქვთ რა პრობლემა აქვს ამ სოფელს... მარტო იციან ლამაზად ლაპარაკი და ყელის მოღერება ტელევიზიით და უნდათ რომ ესენი დატოვონ თავის წარმომადგენლის გარეშე. ნურას უკაცრავად! საქართველო, პირველ რიგში, ეს არის თითოეული საქართველოს რეგიონი, თითოეული რაიონული ცენტრი, თითოეული ქალაქი, სოფელი, თითოეული რაიონი, ზოგადად თითოეული უბანი და მიკრორაიონი“.

"ამიტომ იმის გარდა, რომ ჩვენ არ დავაკარგვინებთ წარმომადგენლებს, მაგალითად, შამგონის მაცხოვრებლებს, დანარჩენი ყველაფერზე შეიძლება მოლაპარაკება,“– განაცხადა სააკაშვილმა.

რვა პარტიის შეთავაზებაა, რომ შეიცვალოს არსებული მაჟორიტარული სისტემა – 75 მაჟორიტარი დეპუტატის ერთმანდატიანი ოლქებიდან არჩევის წესი– ე.წ. "რეგიონულ–პროპორციული სიებით“, ხოლო დარჩენილი 75 დეპუტატი კვლავაც პროპორციული სისტემით აირჩეს 150 წევრიან პარლამენტში.

არსებული მაჟორიტარული სისტემით თითო ოლქიდან ანუ რაიონიდან ირჩევა პარტიის ან ბლოკის მიერ წარდგენილი თითო მაჟორიტარი კანდიდატი.

"რეგიონულ–პროპორციული“ სიები კი გულისხმობს რეგიონების დონეზე პარტიული სიებისათვის ხმის მიცემას, სადაც რეგიონისთვის განკუთვნილი მანდატები მიღებული ხმების მიხედვით პროპორციულად გადანაწილდება სიით წარდგენილ კანდიდატებზე. რეგიონებში მანდატების რაოდენობა ამომრჩეველთა რაოდენობის მიხედვით დადგინდება და ოლქები შესაბამისად 2, 3 და 4 მანდატიანი იქნება. ასეთი სისტემისთვის, რვა პარტიის წინადადების შესაბამისად, 5%–იანი საარჩევნო ბარიერის დაწესებაა ნავარაუდევი.

ეს წესი გაზრდის ოპოზიციური პარტიების შანსებს მეტი მაჟორიტარული ადგილი მოიპოვონ პარლამენტში.

არსებული სისტემით, რომლის რეგიონულ–პროპორციული სიებით შეცვლაზე დაპირება მმართველმა პარტიამ 2008 წლის მაისის საპარლამენტო არჩევნებამდე რამდენიმე თვით ადრე გადაიფიქრა, ნაციონალურმა მოძრაობამ 75 მაჟორიტარული ადგილიდან 71 მანდატი აიღო წინა საპარლამენტო არჩევნებზე და საბოლოო ჯამში, გარანტირებული საკონსტიტუციო უმრავლესობა ჩამოაყალიბა. 

იმავდროულად, პრეზიდენტმა პოლიტიკურ ოპონენტებს ხალხთან მეტი კომუნიკაციისაკენ მოუწოდა.

“ყველგან ვაგებთ კარგ გზას, ყველგან ვუქმნით პირობებს, რომ ოღონდ წადით და დაელაპარაკეთ ხალხს. ილაპარაკეთ ხალხის პრობლემებზე, ხალხის ენით, ხალხის სახელით, მაშინ აუცილებლად მიაღწევთ წარმატებას – ეს ჩემი უფასო რჩევაა პოლიტიკურ ოპონენტებს,“– განაცხადა მან.

სააკაშვილის მიესალმა ხელისუფლებასა და ოპოზიციას შორის საარჩევნო გარემოსა და კანონმდებლობის შეცვლის მიზნით კონსულტაციების დაწყებას, რომლის ფარგლებშიც „ძალიან ბევრ საკითხზე შეიძლება ალბათ შეთანხმება“, მათ შორის იმაზე, რომ "საარჩევნო პროცესი იყოს მაქსიმალურად გამჭირვალე“.        

“მე მიმაჩნია, რომ ეს არის ძალიან მნიშვნელოვანი პროცესი. როგორც იქნა ვისწავლეთ ერთმანეთთან დაჯდომა და ლაპარაკი, ვისწავლეთ ულტიმატუმებისა და ყვირილის და ისტერიის ენით ლაპარაკი კი არა, რომ ან ‘ყველაფერი ან არაფერი’, ‘დავამთავროთ ერთ კვირაში ან ორ კვირაში’, თარიღების დათქმა, მუდმივად წარსულზე ორიენტირება და რაღაც თარიღების აღნიშვნა, არამედ ის, რომ ჩვენ ვართ ყველანი ერთი ქვეყნის შვილი და ყველამ უნდა ვისწავლოთ ცივილიზებულად ყველამ ერთად ლაპარაკი, ერთ მაგიდასთან დაჯდომა, ერთმანეთის მოსმენა,“– განაცხადა მან.

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
39