Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
გიორგი ბარამიძე სოჭში ოლიმპიური თამაშების ჩატარების წინააღმდეგია
სივილ ჯორჯია, თბილისი / 26 ნოე.'10 / 19:47

საქართველოს ვიცე–პრემიერმა და სახელმწიფო მინისტრმა ევრო–ატლანტიკური ინტეგრაციის საკითხებში გიორგი ბარამიძემ განაცხადა, რომ იგი პირადად იზიარებს იმ ქართველი დეპუტატების განწყობას, რომლებიც ეწინააღმდეგებიან ზამთრის ოლიმპიური თამაშების ჩატარებას სოჭში.

დეპუტატების ჯგუფმა პარლამენტის საგარეო საქმეთა და უცხოეთში მცხოვრებ თანამემამულებთან ურთიერთობის კომიტეტებიდან, ასევე ტერიტორიული მთლიანობის საპარლამენტო კომისიიდან ეს საკითხი 19 ნოემბერს გამართულ შეხვედრაზე განიხილეს. 
 
"კანონმდებლები მიიჩნევენ, რომ  საჭიროა საერთაშორისო ოლიმპიური კომიტეტი, ეროვნული ოლიმპიური კომიტეტები, საერთაშორისო თანამეგობრობა დაარწმუნონ 2014 წლის ზამთრის ოლიმპიადის სხვა ქვეყანაში გამართვის აუცილებლობაში,“ – განაცხადა საქართველოს პარლამენტის პრესსამსახურმა შეხვედრის შემდეგ. 

აფხაზეთის ოკუპაციის ფაქტორის გარდა, დეპუტატმა მმართველი პარტიიდან ნუგზარ წიკლაურმა განაცხადა შეხვედრის შემდეგ, რომ გასათვალისწინებელია ის გარემოება რომ სოჭის ოლიმპიური თამაშები "იმართება იმ ადგილას, რომელსაც ჩერქეზთა გენოციდის ადგილად მიიჩნევენ“. 

"ოლიმპიური ქარტიის შესაბამისად კი, შეუძლებელია ოლიმპიური თამაშების იმ ადგილას გამართვა, სადაც ხალხის გენოციდი განხორციელდა,"– განაცხადა წიკლაურმა.

პარლამენტს ამ საკითხზე რაიმე ოფიციალური გადაწყვეტილება ჯერ არ მიუღია და დეპუტატებმა განაცხადეს, რომ ისინი განაგრძობენ დისკუსიებს საბოლო პოზიციის შესამუშავებლად. 

25 ნოემბერს პრაღაში, ჩეხეთის საგარეო საქმეთა მინისტრთან კარელ შვარცენბერგთან ერთობლივ პრესკონფერენციაზე საუბრისას, გიორგი ბარამიძემ განაცხადა: "მე პირადად სოლიდარობას ვუცხადებ პარლამენტის წევრებს, რადგანაც მესმის მათი განწყობა, მესმის, თუ რატომ ფიქრობენ ისინი, რომ რუსეთი არ იმსახურებს იყოს ოლიმპიური თამაშების მასპინძელი, ვინაიდან ოლიმპიური მოძრაობა რაღაც განსხვავებულია იმისგან, რის დემონსტრირებასაც რუსეთი დღეს ახდენს“.

"არა მგონია, რომ ოლიმპიური მოძრაობა ახლოსაა ასიათასობით ადამიანის მკვლელობასთან ჩრდილოეთ კავკასიაში, ჩეჩნეთში და კიდე სხვაგან, საკუთარი ჟურნალისტების მოკვლასთან, ბიზნესმენების ციხეში ჩასმასთან მხოლოდ იმიტომ, რომ მათ განსხვავებული აზრები ჰქონდათ და არა მგონია, რომ კარგი იდეა იყოს მეზობელი ქვეყნის ტერიტორიის ოკუპაცია. ეს ადგილი – სოჭი – როგორც იცით, ძალიან ახლოსაა საქართველოს საზღვართან, სადაც ჩვენ უკანონო ოკუპაცია გვაქვს... და არა მგონია, რომ ოლიმპიური სულისკვეთება რამენაირად ახლოსაა საერთაშორისო სამართლის უპატივცემულობის იდეასთან, ადამიანის უფლებების უპატივცემულობის იდეასთან,“ – განაცხადა მან. 

ბარამიძემ "ბარბაროსული აქტი“ უწოდა იმ ქმედებას, რომ აფხაზეთში რუსეთმა ცოტა ხნის წინ "მე–10 საუკუნის ქართული ეკლესია გადაღება და მასზე რუსული [სტილის] გუმბათი აღმართა... გაანადაგურა ამ ეკლესიის ფრესკები“. 

"ყოველდღე ხალხს კლავენ და აუპატიურებენ ადგილზე [აფხაზეთში], სოჭიდან მხოლოდ რამოდენიმე კილომეტრში,“ – განაცხადა ბარამიძემ. 

საქართველოს გაკეთებული ჰქონდა განაცხადი, რომ 2014 წლის ზამთრის ოლიმპიური თამაშებისთვის ბორჯომსა და ბაკურიანში ემასპინძლა. თუმცა, მას შემდეგ რაც მას უარი უთხრეს, პრეზიდენტმა სააკაშვილმა განაცხადა 2007 წლის თებერვალში, რომ საქართველო სოჭთან დაკავშირებით რუსეთის განაცხადს დაუჭერდა მხარს.

”ოლიმპიური თამაშები სოჭში ხელს შეუწყობს სამშვიდობო პროცესებს რეგიონში, რომელიც ყოველთვის ასოცირდებოდა კონფლიქტებთან. ამ კუთხით [ოლიმპიური თამაშები] დადებითი სტიმული იქნება რეგიონალური თანამშრომლობისთვის,"- განაცხადა სააკაშვილმა მაშინ.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
57