მართალია რუსეთი „დაინტერესებულია“ სხვა ქვეყნების მიერ აფხაზეთის და სამხრეთ ოსეთის აღიარებაში, „ეს თვითმიზანი არ არის,“ იტყობინებიან რუსული საინფორმაციო სააგენტოები 3 აგვისტოს რუსეთის პრეზიდენტის დიმიტრის მედვედევის სიტყვებზე დაყრდნობით.

მან ასევე განაცხადა, რომ ბელარუსის პრეზიდენტმა ალექსანდრე ლუკაშენკომ დსთ–ს ლიდერთა თანდასწრებით პირობა დადო ორიოდე წლის წინ, რომ აღიარებდა აფხაზეთს და სამხრეთ ოსეთს.

„მან თქვა: ’მე საზეიმოდ ვდებ პირობას, რომ ყველაფერს გავაკეთებ უმოკლეს დროში’,“ – განაცხადა მედვედევმა.

ივლისის შუა რიცხვებში ბელარუსის ტელევიზიასთან ინტერვიუში პრეზიდენტმა სააკაშვილმა განაცხადა, რომ რუსეთი „ზეწოლას განაგრძობს“ ბელარუსზე, რათა მან აღიაროს აფხაზეთი და სამხრეთ ოსეთი.

„ვფიქრობ, ბელარუსი ბრძნულად მოიქცევა,“ – დასძინა სააკაშვილმა.